កុំចេះតែព្រហើនពេក! ចាប់អ្នកបើកជល់មាន់ online ចូលពន្ធនាគារខេត្តកំពង់ចាម..ម្នាក់ ហើយ!
ខេត្តកំពង់ចាម៖ នៅថ្ងៃទី ២៤ ខែ តុលា ឆ្នាំ ២០២៣ កំលាំងជំនាញកងរាជអាវុធហត្ថខេត្តកំពង់ចាម បាននាំឈ្មោះ សយ ផានិត ហៅម៉ាប់ ភេទ ប្រុស អាយុ ៣២ ឆ្នាំជនជាតិខ្មែរ រស់នៅភូមិ តាលៃ ឃុំគរ ស្រុកព្រៃឈរ ខេត្តកំពង់ចាម យកទៅឃុំខ្លួននៅពន្ធនាគារខេត្តកំពង់ចាម តាមដីកាបង្គាប់ឱ្យឃុំខ្លួនលេខ ១៨៩០ ឃ .ខ ចុះថ្ងៃទី ២៤ ខែ តុលា ឆ្នាំ ២០២៣ របស់សាលាដំបូងខេត្តកំពង់ចាម ចេញដោយ ឯកឧត្តម សួស ឡា ចៅក្រមស៊ើបសួរសាលាដំបូងខេត្តកំពង់ចាម ពីបទ បើកកន្លែងលេងល្បែងស៊ីសងខុសច្បាប់ (ប្រជល់មាន់តាមអនឡាញភ្នាល់ដាក់ប្រាក់ ) ប្រព្រឹត្តកាលពីថ្ងៃទី២៩ ខែ កញ្ញា ឆ្នាំ ២០២៣ នៅចំណុចភូមិតាមាស ឃុំគរ ស្រុកព្រៃឈរ ខេត្តកំពង់ចាម ។
