ខេត្តកណ្តាល ៖ ឧត្តមសេនីយ៍ទោ ឈឿន សុចិត្ត ស្នងការខេត្តកណ្តាល បញ្ជាក់ប្រាប់ TNN NEWS នាព្រឹកថ្ងៃទី១៣ កញ្ញា ២០២៣ ថា ៖ ជនសង្ស័យ ម្នាក់ដែល (បង្កើតគណនីតេលេក្រាមក្លែងក្លាយ) កាលពីថ្ងៃទី១០ ខែកញ្ញា ឆ្នាំ២០២៣ ត្រូវ តុលាការ ចេញដីកា ឃុំខ្លួន នៅពន្ធនាគា ខេត្តកណ្តាលហើយ។
បើយោងតាម ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្តាល មានកិត្តិយសសូមជម្រាបជូនសាធារណជនឲ្យបានជ្រាបថា៖ បុគ្គលឈ្មោះ ងន យឿន ហៅម៉ាប់ ភេទប្រុស អាយុ២៤ឆ្នាំ មុខរបរមិ..នពិ..តប្រា..កដ ឃា.ត់ខ្លួននៅព្រឹកថ្ងៃទី១១ ខែកញ្ញា ឆ្នាំ២០២៣ ចំណុចភូមិដំណាក់ធំ សង្កាត់បឹងទំពន់ ខណ្ឌមានជ័យ រាជធានីភ្នំពេញ។ ក្នុងករណី ឆបោក ដើរតួជាលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល ឆាតទៅសុំខ្ចីលុយពីឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្តាល។
នៅព្រឹកថ្ងៃទី១៣ ខែកញ្ញា ឆ្នាំ២០២៣ បុគ្គលខាងលើ ត្រូវបានតុលាការសម្រេចឃុំ.ខ្លួនបញ្ជូនទៅពន្ធនាគារខេត្តកណ្តាល រួចហើយ។
អាស្រ័យហេតុនេះ សូមសាធារណជនមេត្តាជ្រាបជាព័ត៌មាន៕
