ភ្នំពេញ៖ សមត្ថកិច្ច នៃ អធិការដ្ឋាននគរបាលខណ្ឌទួលគោក នៅព្រឹកថ្ងៃទី ២២ ខែសីហា ឆ្នាំ ២០២៣នេះ បានឱ្យដឹងថា ជនដៃដល់ ចំនួន ៣នាក់ ត្រូវ បានកម្លាំងនគរបាលជំនាញ ព្រហ្មទណ្ឌ ខណ្ឌ ចុះទៅឃាត់ខ្លួនភ្លាមៗ បន្ទាប់ពី ក្រុម ជនដៃដល់ ទាំងនោះ បានធ្វេី សកម្មភាព បន្លំ ថើបថ្ពាល់នារីរងគ្រោះហើយ យកកែវស្រាវាយជនរងគ្រោះប្រុសស្រី៦នាក់ ឱ្យ របួសធ្ងន់ស្រាល។
ប្រភព ដដែល បន្តថា កម្លាំងផ្នែកនគរបាលយុត្តិធម៌ នៃអធិការដ្ឋាននគរបាលខណ្ឌទួលគោក កាលពីវេលាម៉ោងប្រហែល០០:២០នាទីរំលងអាធ្រាត្រឈានចូលថ្ងៃទី២២ ខែសីហា ឆ្នាំ២០២៣ បានឃាត់ខ្លួនជនសង្ស័យ០៣នាក់ពីបទហិង្សាដោយចេតនាមានស្ថានទម្ងន់ទោស(យកកែវស្រាវាយទៅលើជនរងគ្រោះបណ្តាលឲ្យរបួសក្បាលចំនួន០២នាក់របួសធ្ងន់ និងរបួសស្រាល០៤នាក់) ប្រព្រឹត្តនៅចំណុចក្នុងភោជនីយ៏ដ្ឋានកន្លែងចាស់ ដីឡូតិ៍លេខ ផ្លូវលេខ២៥៧ កែងផ្លូវលេខ២០៤ ក្រុមទី១៧ ភូមិ០៧ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ ។
ជនសង្ស័យទាំង៣នាក់នេះ រួមមាន៖
១-ឈ្មោះ មាស បញ្ញា ហៅ បញ្ញា ភេទប្រុស អាយុ៣១ឆ្នាំ ជនជាតិខ្មែរ មុខរបរ រត់តាក់ស៊ី ស្នាក់នៅផ្ទះលេខ៣A ផ្លូវលេខ៦០៧ សង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ ។ (ជនដៃដល់អ្នកយកកែវស្រាវាយទៅលើជនរងគ្រោះបណ្ដាលឲ្យបួសធ្ងន់ និងស្រាល០៦នាក់ (គ្មានសារធាតុញៀន)
២-ឈ្មោះ យ៉ាន តៃឈត ហៅ តៃឈត ភេទប្រុស អាយុ៣២ឆ្នាំ ជនជាតិខ្មែរ មុខរបរបុគ្គលិក កន្លែងស្ទីមសូណា ស្នាក់នៅហាងស្ទីមសូណាយីហោ ប៊ុនសេង ផ្លូវលេខ០៣ សង្កាត់បឹងត្របែក ខណ្ឌចំការមន រាជធានីភ្នំពេញ (បក្សពួក) (គ្មានសារធាតុញៀន) ។៣-ឈ្មោះ ជាង សុខឃាង ហៅ សាន្ត ភេទប្រុស អាយុ២៤ឆ្នាំ ជនជាតិខ្មែរ មុខរបរ រត់កង់បី ស្នាក់នៅបន្ទប់ជួលលេខ៦ ផ្លូវលេខ២១ សង្កាត់ទឹកថ្លា ខណ្ឌសែនសុខ រាជធានីភ្នំពេញ (ជាបក្សពួក) (គ្មានសារធាតុញៀន)។
ចំណែក ជនរងគ្រោះ ៦នាក់ រួមមាន៖
១-ឈ្មោះ លឹម គៀមហ៊ាក ភេទស្រី អាយុ១៨ឆ្នាំ ជនជាតិខ្មែរ មុខរបរ បុគ្គលិក្រុមហ៊ុន ស្នាក់នៅផ្ទះមិនចាំលេខ ផ្លូវលេខ២១៨ ភូមិ៧ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ ។ រងរបួស:ត្រូវបានជនសង្ស័យឈ្មោះ យ៉ាន តៃឈត សុំលេខទូរស័ព្ទដៃបន្លំថើបថ្ពាល់នៅមុនពេលកើតហេតុការណ៍) ។
២-ឈ្មោះ ផាត សម្ផស្ស ភេទប្រុស អាយុ២១ឆ្នាំ ជនជាតិខ្មែរ មុខរបរ បុគ្គលិក្រុមហ៊ុន ស្នាក់នៅផ្ទះមិនចាំលេខ ផ្លូវលេខ២១៨ ភូមិ៧ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ ។ (របួសក្បាលផ្នែកខាងលើដេរ៦ថ្នេរ ដៃស្ដាំដេរ៣ថ្នេរ និងថ្លើមដៃស្ដាំ របួសធ្ងន់) ។
៣-ឈ្មោះ ស៊ន វីន ភេទប្រុស អាយុ២៣ឆ្នាំ ជនជាតិខ្មែរ មុខរបរ បុគ្គលិក្រុមហ៊ុន ស្នាក់នៅផ្ទះមិនចាំលេខ ផ្លូវលេខ២១៨ ភូមិ៧ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ ។ (របួសពកក្បាលស្រាល) ។
៤-ឈ្មោះ កែង នេង ភេទស្រី អាយុ២២ឆ្នាំ ជនជាតិខ្មែរ មុខរបរ បុគ្គលិក្រុមហ៊ុន ស្នាក់នៅផ្ទះមិនចាំលេខ ផ្លូវលេខ២១៨ ភូមិ៧ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ ។ (របួសរលាត់ដៃទាំងសង់ខាង របួសស្រាល) ។
៥-ឈ្មោះ កែង នាង ភេទស្រី អាយុ១៨ឆ្នាំ ជនជាតិខ្មែរ មុខរបរ បុគ្គលិក្រុមហ៊ុន ស្នាក់នៅផ្ទះមិនចាំលេខ ផ្លូវលេខ២១៨ ភូមិ៧ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ ។ (របួសរលាត់ស្បែកត្រង់ក របួសស្រាល) ។
៦-ឈ្មោះ ឈួន មករា ភេទស្រី អាយុ២២ឆ្នាំ ជនជាតិខ្មែរ មុខរបរ បុគ្គលិក្រុមហ៊ុន ស្នាក់នៅផ្ទះមិនចាំលេខ ផ្លូវលេខ២១៨ ភូមិ៧ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ ។ (របួសរលាត់ត្រង់ត្រជៀកខាងឆ្វេង របួសស្រាល)។
បច្ចុប្បន្នជនសង្ស័យខាងលើ កំពុងឃាត់ខ្លួនជាបណ្ដោះអាសន្ននៅ អធិការដ្ឋាននគរបាលខណ្ឌទួលគោក ដើម្បីធ្វើការសាកសួរនិងចាត់ការបន្តតាមនីតិវិធី៕
