ភ្នំពេញ៖ សមត្ថកិច្ច បញ្ជាក់ថា បានឃាត់ខ្លួន ជនសង្ស័យម្នាក់ ករណី លួចកាបូបប្រាក់ នៅមុខផ្ទះ កំពុងសង់ ភូមិដើមស្លែង សង្កាត់ច្បារអំពៅ២ ខណ្ឌច្បារអំពៅ ថ្ងៃទី ១៨-០៨- ២០២៣ ម៉ោង១០និង៣០នាទី។
ជនរងគ្រោះឈ្មោះគង់ សុធី ភេទប្រុស អាយុ៤០ឆ្នាំ ជនជាតិខ្មែរ មុខរបរ កម្មករសំណង់ ស្នាក់នៅភូមិដើមស្លែង សង្កាត់ ច្បារអំពៅ២ ខណ្ឌច្បារអំពៅ។
ជនសង្ស័យឈ្មោះហុក យូ ភេទប្រុស អាយុ៣០ឆ្នាំ ជនជាតិវៀតណាម មុខរបរគ្មាន ស្នាក់នៅភូមិដើមស្លែង សង្កាត់ច្បារអំពៅ២ ខណ្ឌច្បារអំពៅ។
ប្រភពប្រាប់ថា មុនពេលកើតហេតុ ជនរងគ្រោះទុកកាបូបប្រាក់ពណ៌ខ្មៅ (មានប្រាក់ ៤០០ដុល្លារ) ក្នុងហោប៉ៅខោជើងវែងព្យួរដៃចង្កូតម៉ូតូ ស្រាប់តែជន សង្ស័យជិះកង់មកជិតលួចកាបូបជនរងគ្រោះគេចខ្លួន។ លុះដល់ម៉ោង១៥និង ៣០នាទី ថ្ងៃដដែល សមត្ថកិច្ចឃាត់ខ្លួនជនសង្ស័យនៅដកហូតវត្ថុតាងកង់១ (ជិះធ្វើសកម្មភាព),កាបូបពណ៌ខ្មៅ១, ប្រាក់ ៤០០ ដុល្លារ (របស់ជនរងគ្រោះ) បញ្ជូនមកទីប៉ុស្តិ៍ច្បារអំពៅ២ សាកសួរ។
កន្លងមកជនសង្ស័យធ្លាប់ជាប់ពន្ធនាគារ ១ឆ្នាំ ក្នុងឆ្នាំ២០១៥ ពីបទ ៖ លួច ។
