កត់កន្ទុយលេខ ឆ្នោតវៀតណាម ប្រើ ម៉ាស៊ីនអេឡិចត្រូនិច ជ្រកក្រោម អាជីកម្មឆ្នោត ត្រូវ ប៉ូលិស តាមទាន់ជាន់កែង!
ភ្នំពេញ លោកវរសេនីយ៍ឯក ទៀង ច័ន្ទសារ អធិការដ្ឋាននគរបាលខណ្ឌដូនពេញ បញ្ជាក់ថា កាលពីថ្ងៃទី៧ខែសីហាឆ្នាំ២០២៣ វេលាម៉ោង១៥ និង ៥០នាទី កម្លាំងអធិការដ្ឋាន និងប៉ុស្តិបានបេីកការស្រាវជ្រាវឈានដល់ការបង្ក្រាបជាក់ស្តែង ទីតាំងលេងល្បែងស៉ីសងខុសច្បាប់ (ប្រើម៉ាស៊ីនអេឡិចត្រូនិច កត់កន្ទុយលេខឆ្នោតវៀតណាម ជ្រកក្រោមអាជីកម្មឆ្នោត យីហោ ម៉ូឌែន ឡូថូរី)
ក្នុងនោះ ឃាត់ខ្លួនជនសង្ស័យ
ចំនួន៤នាក់រួមមាន៖
១/ឈ្មោះ សួស ដានី ភេទស្រី អាយុ៥៦ឆ្នាំ ស្នាក់នៅផ្ទះលេខ១២ ផ្លូវលេខ៩៣ ភូមិ៦ សង្កាត់ស្រះចក ជាភ្នាក់ងារកត់ឆ្នោតវៀតណាម។
២/ឈ្មោះ ឆន ចាន់គឿន ភេទប្រុស អាយុ២១ឆ្នាំ ស្នាក់នៅបន្ទប់ជួល សង្កាត់ប្ញស្សីកែវ ខណ្ឌប្ញស្សីកែវ (ជាបុគ្គលិកក្រុមហ៊ុនឆ្នោត ម៉ឌែន ឡូតូរី)។
៣/ឈ្មោះ សុង ច័ន្ទណារត្ន័ ភេទស្រី អាយុ២១ ស្នាក់នៅផ្ទះលេខ២៧២ ផ្លូវលំ ភូមិមិត្តភាព សង្កាត់ប្ញស្សីកែវ ខណ្ឌប្ញស្សីកែវ (ជាបុគ្គលិកក្រុមហ៊ុនឆ្នោត ម៉ឌែន ឡូតូរី)។
៤/ឈ្មោះ ទឹម លីតា ភេទស្រី អាយុ២៧ឆ្នាំ ស្នាក់នៅផ្ទះលេខ១៦ ផ្លូវ លំ សង្កាត់ទឹកថ្លា ខណ្ឌសែនសុខ (ជាបុគ្គលិកក្រុមហ៊ុនឆ្នោត ម៉ឌែន ឡូតូរី)
វត្ថុតាងចាប់យករួមមាន៖
១.ម៉ាស៉ីនអេឡិចត្រូនិចគ្មានម៉ាក ពណ៍ខ្មៅខៀវ សម្រាប់ភ្ជាប់ជាមួយទូរស័ព្ទដៃ ដេីម្បីចេញសន្លឹកឆ្នោតវៀតណាម ចំនួន០១គ្រឿង។
២.ម៉ាស៉ីនអេឡិចត្រូនិច ម៉ាកSUNMI V2S ពណ៍ទឹកក្រូចលាយខ្មៅសម្រាប់ចេញកន្ទុយសន្លឹកឆ្នោតវៀតណាមចំនួន០១គ្រឿង
៣.ម៉ាស៉ីនអេឡិចត្រូនិចម៉ាក MODERN LOTTERY ពណ៍ខៀវ សម្រាប់ចេញកន្ទុយសន្លឹកឆ្នោត ចំនួន០១ គ្រឿង។
៤.កន្ទុយសន្លឹកឆ្នោតវៀតណាមដែលចាក់រួច មួយចំនួន។
៥.ទូរស័ព្ទដៃមួយគ្រឿង ម៉ាកOPPO ពណ៍ក្រហម។
៦.វិញ្ញាបណ្ណបត្រ័ផ្តល់សិទ្ធជាភ្នាក់ងារចែកចាយឆ្នោតអោយឈ្មោះ ទឹម វុទ្ធី របស់ក្រុមហ៊ុនឡូតូរី ចំនួន០១សន្លឹក។
