រថយន្ត ពាក់ផ្លាក លេខឡាវ ដឹក គ្រឿងញៀន ជាង១០០ដុំ ឆ្លងកាត់ខេត្តណាខ្លះ ទំរាំដល់ កណ្តាលក្រុងភ្នំពេញ?

ភ្នំពេញ៖ សមត្ថកិច្ច បញ្ជាក់អោយដឹងថា មាន រថយន្ដម៉ា កហ៉ីយ៉ានដាយមួយគ្រឿង ពាក់ផ្លាក លេខឡាវ បានបុករបាំងពុះចែកទ្រូងផ្លូវ ទៅមុខលែងរួច នៅខណ្ឌសែនសុខ លុះសមត្ថកិច្ចស្ទួចយកមករក្សាទុក ស្រាប់តែឆែករកឃើញថ្នាំញៀនសរុបជាង១០០ដុំ។

អ្នកនាំពាក្យស្នងការដ្ឋាននគរបាលរាជធានីភ្នំពេញ លោកឧត្តមសេនីយ៍ត្រី សាន សុខសីហា បានប្រាប់បណ្ដាញព័ត៌មាន ឲ្យដឹងថា ហេតុការណ៍ រថយន្ដបុកទ្រូងផ្លូវនេះ សមត្ថកិច្ចមូលដ្ឋានបានទទួលព័ត៌មាន នៅយប់រំលងអាធ្រាត្រឈានចូលថ្ងៃទី៨ ខែកក្កដា ឆ្នាំ២០២៣ ក្នុងមូលដ្ឋានខណ្ឌសែនសុខ ហើយទៅ មុខ លែងរួច ខណៈអ្នកបើកបររត់គេចខ្លួនបាត់។

លោកឧត្តមសេនីយ៍ត្រី សាន សុខសីហា បន្តថា នៅពេលសមត្ថកិច្ចទទួលបានព័ត៌មាន បានចេញត្រួតពិនិត្យ ហើយស្ទួចយកមករក្សាទុកបណ្ដោះអាសន្ននៅអធិការដ្ឋាននគរបាលខណ្ឌសែនសុខ បានពិនិត្យ ក្នុងរថយន្ដ ដើម្បីរកអត្តសញ្ញាណអ្នកបើកបរ និងអ្នកពាក់ព័ន្ធ ស្រាប់តែប្រទះឃើញកញ្ចប់ដុំ ដែលមានការសង្ស័យ ប្រមាណជាង១០០ដុំ ក្រោយការពិនិត្យឃើញថា ជាសារធាតុញៀនប្រភេទ មេតំហ្វេតាមីន ម៉ាទឹកកក។

បច្ចុប្បន្នកម្លាំងសមត្ថកិច្ចជំនាញកំពុងធ្វើការស្រាវជ្រាវជាបន្ដទៀត ដើម្បីស្វែងរកអ្នកដែលមាន ការពាក់ព័ន្ធចាត់វិធានការតាមផ្លូវច្បាប់៕