បាត់ដំបង៖យោងតាមបទបញ្ជាផ្ទាល់ពីលោក ឧត្តមសេនីយ៍ទោ សាត គឹមសាន ស្នងការនគរបាលខេត្តបាត់ដំបងនិងមានការសម្របសម្រួលនិតិវិធី ពីលោក កែវ សុជាតិ ព្រះរាជអាជ្ញា នៃអយ្យការ អមសាលាដំបូង ខេតបាត់ដំបងផងនោះទើបលោកវរសេនីយ៍ឯក ឈឿង គឹមសុង ស្នងការរងដឹកនាំកម្លាំងនគរបាលព្រហ្មទណ្ឌកំរិតស្រាល ចុះស្រាវជ្រាវនិងឃាត់ខ្លួនបានជនសង្ស័យម្នាក់មានស្ថានទម្ងន់ទោស លួចយកសំណាញ់ដែកក្នុងបរិវេណ ការដ្ឋាន បុរីរបស់លោក ឧកញ៉ា ភូពុយ ស្ថិតនៅក្នុងភូមិអញ្ចាញ សង្កាត់អូរចារ ក្រុងបាត់ដំបង ខេត្តបាត់ដំបង។
ជនសង្ស័យបានធ្វើសកម្មភាពចូលលួចយកទ្រព្យសម្បត្តិប្រជាពលរដ្ឋ កាពីវេលាម៉ោង៩និង២០នាទីយប់ ថ្ងៃទី១៩ ខែឧសភា ឆ្នាំ២០២៣ នៅចំណុចខាងលើ។
នៅវេលាម៉ោង១២និង៤០នាទី ថ្ងៃ ខែ ឆ្នាំដដែល សមត្ថកិច្ចឃាត់ខ្លួនបានជនសង្ស័យម្នាក់ឈ្មោះ យ៉ា ភីណា ហៅ អាកុង ភេទប្រុស អាយ្៣០ឆ្នាំ មានទីលំនៅក្នុងភូមិអូរចារ សង្កាត់អូចារ ក្រុងបាត់ដំបង ខេត្តបាត់ដំបង ។
ចំណែកជនរងគ្រោះឈ្មោះ៖សោម សារិន ភេទប្រុស អាយុ៣៨ឆ្នាំ មុខរបរជាងផ្ទះ មានទីលំនៅក្នុងភូមិកំពង់សីម៉ា សង្កាត់វត្តគរ ក្រុងបាត់ដំបង ខេត្តបាត់ដំបង។
វត្ថុតាងដែលសមត្ថកិច្ចដកហូតបានពីជនសង្ស័យរួមមាន៖សំណាញ់ដែកទម្ងន់ជាង១០០គីឡូគ្រាម រទេះមួយនិងម៉ូតូ១គ្រឿង ជាមធ្យោបាយសំរាប់ដឹកជញ្ជូនរបស់ជនសង្ស័យ។
បច្ចុប្បន្នជនសង្ស័យត្រូវបានបញ្ជូនទៅការិយាល័យព្រហ្មទណ្ឌកំរិតស្រាល នៃស្នងការដ្ឋាន នគរបាលខេត្តបាត់ដំបង ដើម្បីធ្វើការសាកសួរនិងតាមស្រាវជ្រាវរកបក្ខពួកម្នាក់ទៀតដែលកំពុងរត់គេចខ្លួន ដើម្បីយកមកផ្តន្ទាទោសតាមផ្លូវច្បាប់៕
ដោយ៖ សុខ កុសល
