បាត់ដំបង៖ ជនសង្ស័យម្នាក់ឈ្មោះ រ៉ុង ភារុណ ហៅ តុល ភេទប្រុស អាយុ២៤ឆ្នាំ រស់នៅភូមិជ្រោយស្តៅ ស្រុកថ្មគោល ខេត្តបាត់ដំបង នាំគ្នាផឹកទឹកប្តូរនិស្ស័យ កំពុងសើចសប្បាយស្រាប់តែដៃគូរ របស់ខ្លួនរំលឹករឿងចាស់ ក៍ទាញដបស្រាវាយទៅលើជនរងគ្រោះបណ្តាលអោយបែកក្បាលរបួសធ្ងន់។
ករណីនេះបានបង្កឡើងកាលពីវេលាម៉ោង៨ យប់ថ្ងៃទី២៤ ខែមេសា ឆ្នាំ២០២៣ នៅចំណុចក្រុមទី១៥ ភូមិនិគមក្រៅ ឃុំជ្រោយស្តៅ ស្រុកថ្មគោល ខេត្តបាត់ដំបង។
ប្រភពព័ត៌មានពីសមត្ថកិច្ចបានអោយដឹងថា៖ក្រោយពេលកើតហេតុភ្លាមៗនោះកម្លាំងនគរបាលស្រុកថ្មគោលបានចុះអន្តរាគមន៍និងឃាត់ខ្លួនជនសង្ស័យបញ្ជូនទៅអធិការដ្ឋាននគរបាលស្រុកថ្មគោលដើម្បីសាកសួរអំពីដំណើរដើមទង ជុំវិញករណីនៃការបង្កហឹង្សានេះ។
ជនសង្ស័យបានសារភាពចំពោះមុខសមត្ថកិច្ចថា៖រូបគេខឹងជនរងគ្រោះ ឈ្មោះ មឿន ឧត្តម ភេទប្រុស អាយុ២៣ឆ្នាំ រស់នៅក្នុងភូមិ ឃុំជាមួយគ្នា
និយាយច្រើនពេក រំលឹករឿងចាស់ ក៍ទាញដបស្រាវាយក្បាលជនរងគ្រោះដើម្បីរំសាយគំណុំក្នុងខ្លួន។
បច្ចុប្បន្នជនរងគ្រោះកំពុងសម្រាកព្យាបាលនៅឯមន្ទីរពេទ្យ ចំណែកជនសង្ស័យត្រូវបានកម្លាំងនគរបាលជំនាញ នៃអធិការដ្ឋាននគរបាលស្រុកថ្មគោលរៀបចំសំណុំរឿងបញ្ជូនទៅស្នងការដ្ឋាននគរបាលខេត្តបាត់ដំបងដើម្បីចាត់ការបន្តទៅតាមនិតិវិធី៕
ដោយ៖ សុខ កុសល
