ខេត្តកំពង់ស្ពឺ៖ សមត្ថកិច្ច បញ្ជាក់ថា មាន ករណីគ្រោះថ្នាក់ចរាចរណ៍រថយន្ដបុករថយន្ត នៅថ្ងៃអាទិត្យ ៤កើត ខែពិសាខ ឆ្នាំថោះ បញ្ចស័ក ព.ស.២៥៦៦ ត្រូវនឹងថ្ងៃទី២៣ ខែមេសា ឆ្នាំ២០២៣ វេលាម៉ោង១៩:០៨នាទី នៅលើផ្លូវលេខ ១៤៤០ ត្រង់ចំណុចម្ដុំប្រឡាយច្បារមនស្ថិតនៅភូមិថ្មី សង្កាត់រការធំ ក្រុងច្បារមន រថយន្ដ ០១គ្រឿង ម៉ាកTOYOTA CAMRY ពណ៌ស ស្លាកលេខភ្នំពេញ 2S-5728 អ្នកបើកបរឈ្មោះ ឃិន សុខវ៉េន ភេទប្រុស អាយុ៣៧ឆ្នាំ នៅភូមិតាំងក្រសាំង ឃុំព្នាយ ស្រុកសំរោងទង បើកបរពីទិសខាងជើងទៅទិសខាងត្បូង លុះមកដល់ចំណុចខាងលើ បានទៅបុកជាមួយរថយន្ត ០១គ្រឿង ម៉ាក TOYOTA CAMRY ពណ៌ស ស្លាកលេខភ្នំពេញ 2AM-1100 អ្នកបើកបរឈ្មោះ ជិន វាសនា ភេទប្រុស អាយុ៣៨ឆ្នាំបើកបរបញ្រ្ចាសទិសគ្នា បណ្ដាលឲ្យគ្រោះថ្នាក់ និងខូចខាតសម្ភារៈដូចខាងក្រោម៖ខូចខាតរថយន្ដ ០២គ្រឿងធ្ងន់។
តាមការបញ្ជាក់ពីសមត្ថកិច្ចមូលហេតុបង្កគ្រោះថ្នាក់ដោយសារតែស្ថានភាពអ្នកបេីកបរមានជាតិស្រវឹង ។
បច្ចុប្បន្នសមត្ថកិច្ចនគរបាលចរាចរណ៍បាននាំយកមធ្យោបាយបង្កមករក្សាទុកបណ្ដោះអាសន្ន នៅអធិការដ្ឋាននគរបាលក្រុងច្បារមន ចំណាត់ការនីតិវិធីបន្ដ៕
