អំណោយសម្តេចក្រឡាហោម បាននាំយកទៅផ្តល់ជូនកម្លាំងប្រដាប់អាវុធ ឈជើងការពារ តាមខ្សែបន្ទាត់ព្រំដែនកម្ពុជា-ឡាវ ក្នុងឱកាសពិធីបុណ្យចូលឆ្នាំប្រពៃណីជាតិខ្មែរ

ខេត្តស្ទឹងត្រែង ៖ នារសៀលថ្ងៃទី១០ ខែមេសា ឆ្នាំ២០២៣ ឯកឧត្តម ឈាង ឡាក់ ប្រធានក្រុមប្រឹក្សាខេត្ត និងឯកឧត្តម ស្វាយ សំអ៊ាង អភិបាលនៃគណៈអភិបាលខេត្តស្ទឹងត្រែង​ អមដំណើរដោយថ្នាក់ដឹកនាំខេត្ត និងប្រធានមន្ទីរអង្គភាពស្ថាប័នជុំវិញខេត្ត ព្រមទាំងក្រុមការងារ បានអញ្ជើញចុះជួបសំណេះសំណាលសាកសួរសុខទុក្ខ និងនាំយកអំណោយជាគ្រឿងឧបភោគ បរិភោគ និងថវិកា ដែលជាអំណោយដ៏ថ្លៃថ្លារបស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃជូនដល់កម្លាំងវរៈការពារព្រំដែនលេខ៧០១ និងកម្លាំងកងរាជអាវុធហត្ថខេត្ត ឈរជើងការពារព្រំដែនកម្ពុជា-ឡាវ។​ ក្នុងពិធីនេះដែរស្ថិតក្រោមវត្តមាន​ពីសំណាក់ ឯកឧត្តម ផៃ ប៊ុនឈឿន រដ្ឋលេខាប្រចាំការក្រសួងបរិស្ថាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តស្ទឹងត្រែង។