យោងតាមប្រភពដំណឹងបឋមពី សមត្ថកិច្ចឲ្យដឹងថា យុវជនម្នាក់ យកដុំថ្មគប់ឡានមួយគ្រឿងដែលកំពុងបើកបរលើផ្លូវល្បឿនលឿន ចន្លោះគីឡូម៉ែត្រ លេខ ៥៣-៥៤ ក្នុងភូមិសាស្ត្រខេត្តកំពង់ស្ពឺ (ទិសដៅភ្នំពេញ-ព្រះសីហនុ) ថ្ងៃទី៥មេសា២០២៣នេះ ប៉ុន្តែភ្លាមៗ ត្រូវបានសមត្ថកិច្ចនិងផ្នែកពាក់ពន្ធ័បង្ក្រាបទាន់ពេល ឃាត់ខ្លួនជនសង្សយ័រូបនេះ នាំយកទៅចាត់ការបន្ត។
សមត្ថកិច្ចបញ្ជាក់ថា ករណីនេះ បន្ទាប់ពីបានទទួលទូរស័ព្ទ ពីអ្នកបើកបរភ្លាម សមត្ថកិច្ចនគរបាលចរាចរណ៍ប្រចាំការលើផ្លូវល្បឿនលឿនបានចុះទៅកាន់កន្លែងកើតហេតុ និងបានប្រទះឃើញជនសង្សយ័ រួចក៏បានឃាត់ខ្លួនភ្លាមៗបញ្ជូនទៅអធិការដ្ឋាននគរបាលស្រុកភ្នំស្រួច ខេត្តកំពង់ស្ពឺ ដើម្បីអនុវត្តនីតិវិធីតាមផ្លូវច្បាប់ ៕
