ខេត្តកំពង់ស្ពឺ៖ សមត្ថកិច្ច បញ្ជាក់ថា មានករណី គ្រោះថ្នាក់ចរាចរណ៍ បង្កឡើង ដោយ ជនជាតិចិន បេីកដូចហោះ ក្រឡាប់ផ្ងារជេីងនៅចំណុចផ្លូវលេខ៤៤ គីឡូម៉ែត្រ (៧.៨) ស្ថិតនៅភូមិផ្គង់ សង្កាត់ច្បារមន ក្រុងច្បារមន ខេត្តកំពង់ស្ពឺ។
ប្រភព បញ្ជាក់ថា មុនកើតហេតុ មានរថយន្តមួយគ្រឿងម៉ាកហៃឡែនឌឺ ពណ៌ទឹកមាស ពាក់ផ្លាកលេខភ្នំពេញ 2AP-2217 បើកពីកើតទៅលិច អ្នកបើកបរឈ្មោះ YANG ZHONGHUA ភេទប្រុសជនជាតិចិន លុះមកដល់ចំណុចខាងលើ បានគេចម៉ូតូមួយគ្រឿង ដែលកំពុងបើកឆ្លងផ្លូវមិនស្គាល់ម៉ាក រថយន្តក៏បានរ៉េចង្កូតធ្លាក់ផ្លូវត្រឡប់ផ្ងារជើង ។
ករណីខាងលើនេះ មិនបណ្ដាលឱ្យរបួសដល់មនុស្សទេ ខូចខាតតែរថយន្តធ្ងន់ ម្ចាស់រថយន្តបានទាក់ទងរថយន្តស្ទូចមកដោយខ្លួនឯង ចាត់ការយកទៅជួសជុល ចៃដន្យមិនបង្កគ្រោះថ្នាក់ដល់អ្នកដទៃ ។
