បាត់ដំបង៖កាលពីល្ងាចថ្ងៃទី ២៥ ខែ មីនា ឆ្នាំ ២០២៣ វេលាម៉ោង ១៩នឹង ០០នាទីយប់ មានករណីខ្យល់កន្ត្រាក់បានកើតឡើងមួយលើក នៅចំណុចព្រៃល្មៀត ស្ថិតក្នុងក្រុមទី៦ ភូមិស្វាយ ឃុំមុខរាហ៍ ស្រុករុក្ខគិរី ខេត្តបាត់ដំបង បណ្តាលអោយ ខូចខាតផ្ទះប្រជាពលរដ្ឋចំនួន២ខ្នងនិង២គ្រួសារ។
ពលរដ្ឋរងគ្រោះមានឈ្មោះ ដូចខាងក្រោម៖ទី១-ឈ្មោះ ម៉ិច ចាន់ថន ភេទ ប្រុស អាយុ ៣៩ឆ្នាំ សមាជិកគ្គ្រួសាមានចំនួន៦នាក់រងការខូចខាតផ្ទះឈេីប្រកសង្ក័សីមួយខ្នង ទំហំ៥គុណ៧ម៉ែត ដោយហក់ធ្លាក់ចេញពីលើជេីងតាង។
ទី២-ឈ្មោះ ទេី ទុំ ភេទប្រុស អាយុ៤១ មាន សមាជិកគ្រួសារសរុបចំនួន៦នាក់ដូចគ្នា រងការខូចខាតផ្ទះចំនួន១ខ្នង ប្រភេទផ្ទះថ្មក្រោម ឈេីលេី ទំហំ៧គុណ៩ម៉ែត របេីកក្បឿងអស់ចំនួន ៤០សន្លឹក។
សមត្ថកិច្ចបានបញ្ជាក់ថា៖ក្នុងករណីគ្រោះធម្មជាតិដូចការរៀបរាប់ខាងលើមិនបង្កអោយមានគ្រោះថ្នាក់ដល់អាយុជីវិតប្រជាពលរដ្ឋណាម្នាក់ឡើយ។
អាជ្ញាធរនិងសមត្ថកិច្ចមូលដ្ឋាន បានប្រកាសអោយប្រជាពលរដ្ឋ ត្រូវប្រុងប្រយ័ត្នអោយបានខ្ពស់ ជៀសវាងកុំអោយមានគ្រោះថ្នាក់ជាយថាហេតុ៕ ដោយ សុខ កុសល
