ខេត្តសៀមរាប៖ ដោយមានការចង្អុលបង្ហាញពីសំណាក់លោកឧត្តមសេនីយ៍ទោ តេង ច័ន្ទណាត ស្នងការនគរបាលខេត្ត និងលោកឧត្តមសេនីយ៍ត្រី ភឹង ចិន្តារ៉េត ស្នងការរងទទួលផែនការងារនគរបាលព្រហ្មទណ្ឌ ដឹកនាំបញ្ជាផ្ទាល់ដោយលោក វរសេនីយ៍ឯក ដា ចំរើន អធិការនគរបាលក្រុងសៀមរាប ។
នៅថ្ងៃទី១៥ ខែមីនា ឆ្នាំ២០២៣ វេលាម៉ោង ១៥:០០នាទី កម្លាំងផ្នែកប្រឆាំងគ្រឿងញៀននៃអធិការដ្ឋាននគរបាលក្រុងសៀមរាប បានឃាត់ខ្លួនជនសង្ស័យចំនួន ០២នាក់៖
ទី១ ឈ្មោះ សៃ ណៃ ហៅ តឿ ភេទ ប្រុស អាយុ ២៥ឆ្នាំ រស់នៅភូមិ កសិកម្ម សង្កាត់ស្រង៉ែ ក្រុងសៀមរាប ខេត្តសៀមរាប ។
ទី២ ឈ្មោះ អ៊ុំ សុវណ្ណារ៉ា ហៅ ទូច ភេទ ប្រុស អាយុ ២៧ឆ្នាំ រស់នៅភូមិ កសិកម្ម សង្កាត់ ស្រង៉ែ ក្រុង សៀមរាប ខេត្តសៀមរាប ពាក់ព័ន្ធនឹងករណីប្រើប្រាស់ដោយខុសច្បាប់នូវសារធាតុញៀន នៅចំនុចសណ្ឋាគារទុកចោល យីហោ នគររាជ ស្ថិតក្នុងភូមិ កសិកម្ម សង្កាត់ស្រង៉ែ ក្រុងសៀមរាប ខេត្តសៀមរាប ហើយយកមកសួរនាំ ក្រោយពីសួរនាំជនសង្ស័យទាំងពីរនាក់ខាងលើបានឆ្លើយប្រាប់សមត្ថកិច្ចយើងថា ពួកខ្លួនបានប្រើប្រាស់គ្រឿងញៀនជាមួយឈ្មោះ សុទ្ធ កុដិសាលា ភេទប្រុស អាយុ ៣៣ឆ្នាំ មានទីលំនៅនៅភូមិ វាល សង្កាត់គោកចក ក្រុង សៀមរាប ខេត្ត សៀមរាប បន្ទាប់មកកម្លាំងយើងក៏បាននាំជនសង្ស័យខាងលើទាំងពីរបន្តស្វែងរកឈ្មោះ សុទ្ធ កុដិសាលា ហើយក៏បានរកឃើញរូបគេនៅផ្ទះ ជាមួយនិងបក្ខពួកឈ្មោះ ឪ ជីវន្ត ភេទប្រុស អាយុ ២០ឆ្នាំ មុខរបរ មិនពិតប្រាកដ មានស្រុកកំណើតភូមិតាខ្មៅ ឃុំតាខ្មៅ ស្រុកតាខ្មៅ ខេត្តកណ្ដាល និងទីលំនៅបច្ចុប្បន្ននៅភូមិវាល សង្កាត់គោកចក ក្រុង/ខេត្តសៀមរាប ក្នុងពេលនោះដែរសមត្ថកិច្ចយើងក៏ឃើញផ្ទះជនសង្ស័យរូបនេះគឺមានសុទ្ធតែឈើក្តារបន្ទះ ដែលគាស់ចេញពីតុទូ និងពិដាន ហើយក៏បានយកមកសួរនាំ ព្រមទាំងដកហូតយកបន្ទះឈើទាំងនោះផងដែរ។ ក្រោយពីសួរនាំជនសង្ស័យទាំង០៤នាក់ បានឆ្លើយសារភាពថា ពួកខ្លួនបានធ្វើសកម្មភាពគាស់យកឈើទាំងនោះចេញពីចំនុចសណ្ឋាគារទុកចោល យីហោ នគររាជ ស្ថិតក្នុងភូមិ កសិកម្ម សង្កាត់ ស្រង៉ែ ក្រុង សៀមរាប ខេត្តសៀមរាប ជាច្រើនលើកមកហើយ ដោយលើកចុងក្រោយគឺធ្វើសកម្មភាពគាស់ឈើ ចេញពីសណ្ឋាគារដដែលនោះនៅថ្ងៃទី ១៥ ខែ មីនា ឆ្នាំ ២០២៣ វេលាម៉ោង ១៥:០០នាទី ។
ឃាត់ខ្លួនជនសង្ស័យចំនួន ០៤នាក់៖
ទី១ ឈ្មោះ សុទ្ធ កុដិសាលា ភេទ ប្រុស អាយុ ៣៣ឆ្នាំ មានស្រុកកំណើត ភូមិតាខ្មៅ ឃុំតាខ្មៅ ស្រុក តាខ្មៅ ខេត្ត កណ្ដាល ទីលំនៅបច្ចុប្បន្ន ភូមិ វាល សង្កាត់គោកចក ក្រុង សៀមរាប ខេត្ត សៀមរាប
ទី២ ឈ្មោះ ឪ ជីវន្ត ភេទប្រុស អាយុ ២០ឆ្នាំ មុខរបរ មិនពិតប្រាកដ មានស្រុកកំណើតភូមិតាខ្មៅ ឃុំតាខ្មៅ ស្រុកតាខ្មៅ ខេត្តកណ្ដាល និងទីលំនៅបច្ចុប្បន្ននៅភូមិវាល សង្កាត់គោកចក ក្រុង សៀមរាប ខេត្តសៀមរាប
ទី៣ ឈ្មោះ សៃ ណៃ ហៅ តឿ ភេទ ប្រុស អាយុ ២៥ឆ្នាំ មុខរបរ ជាងសំណង់ ស្រុកកំណើត និង ទីលំនៅបច្ចុប្បន្ន ភូមិ កសិកម្ម សង្កាត់ស្រង៉ែ ក្រុងសៀមរាប ខេត្តសៀមរាប
ទី៤ ឈ្មោះ អ៊ុំ សុវណ្ណារ៉ា ហៅ ទូច ភេទ ប្រុស អាយុ ២៧ឆ្នាំ មុខរបរ កម្មករសំណង់ មានស្រុកកំនើត ភូមិត្រពាំងសេះ ឃុំគោកចក ស្រុកសៀមរាប ខេត្តសៀមរាប ទីលំនៅបច្ចុប្បន្ន ភូមិ កសិកម្ម សង្កាត់ ស្រង៉ែ ក្រុង សៀមរាប ខេត្តសៀមរាប ។
-វត្ថុតាងដកហូតបាន៖
-បន្ទះឈើដែលគាស់ចេញពីតុ,ទូ និង ពិដាន មួយចំនួនធំ និង ម៉ូតូចំនួន០២គ្រឿង,ញញួរចំនួន ០២ដើម។
-កម្លាំងយើងបានធ្វើតេស្ដរកសារធាតុញៀនទៅលើជនសង្ស័យខាងលើទាំង០៤នាក់ លទ្ធផលវិជ្ជមាន ជាតំរុយ មេតំហ្វេតាមីន។
-ជនសង្ស័យខាងលើ ត្រូវបានកសាងសំណុំរឿង បញ្ជូនទៅកាន់ការិយាល័យជំនាញដើម្បីបន្តនីតិវិធី ៕
↘️ប្រសិនបើ បងប្អូនប្រជាពលរដ្ឋជួបបញ្ហារអសន្តិសុខ សូមទាក់ទងមកលេខប្រចាំការ២៤ម៉ោង/២៤ម៉ោង
️ ☎️ ០៩៧ ៧៧៨ ០១២៣ / ០១២ ៤៦០ ៥៧០
