ភ្នំពេញ៖ លោកវរសេនីយ៍ឯក ប៊ុន សត្យា នាយការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ ប្រាប់អោយដឹងថា កាលពីថ្ងៃទី២ ខែមីនា ឆ្នាំ២០២៣ វេលាម៉ោង២១ និង៣០ នាទី កម្លាំងជំនាញរបស់ការិយាល័យឃាត់ខ្លួនជនសង្ស័យចំនួន ២ នាក់ នៅចំណុចក្បែរក្លឹប KTV (J) ផ្លូវបេតុង សង្កាត់បឹងត្របែក ខណ្ឌចំការមន រាជធានីភ្នំពេញ ពាក់ព័ន្ធករណី រក្សាទុក , ដឹកជញ្ជូនដោយខុសច្បាប់នូវសារធាតុញៀន និង ចែកចាយខុសច្បាប់នូវសារធាតុញៀន ប្រព្រឹត្តនៅចំណុចក្បែរក្លឹប KTV(J) ផ្លូវបេតុង សង្កាត់បឹងត្របែក ខណ្ឌចំការមន រាជធានីភ្នំពេញ និងចាប់យកវត្ថុតាងបញ្ជូនមកការិយាល័យដើម្បីចាត់ការតាមនីតិវិធី៖
១-ឈ្មោះ ស៊ុន ហេង ហៅ ធ្មេញ ភេទ ប្រុស អាយុ ១៨ ឆ្នាំ ជនជាតិ ខ្មែរ មុខរបរ បុគ្គលិកខារ៉ាអូខេ ស្នាក់នៅផ្ទះជួល ផ្លូវលំ ភូមិឬស្សី សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ។
២-ឈ្មោះ នី វិសាល ហៅ បែន ភេទ ប្រុស អាយុ ១៨ ឆ្នាំ ជនជាតិ ខ្មែរ មុខរបរ ដឹកអីវ៉ានអនឡាញ ស្នាក់នៅផ្ទះលេខ៤៦ ផ្លូវលេខ៧ សង្កាត់ដង្កោ ខណ្ឌដង្កោ រាជធានីភ្នំពេញុ។
វត្ថុតាងចាប់យក
-ម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០២២ ពាក់ផ្លាកលេខ ភ្នំពេញ១JF៣៥៦៧
-សារធាតុញៀនប្រភេទកញ្ចប់ម៉ាក Blue Raspberries ពណ៌ទឹកប៊ិច ចំនួន ២៥ កញ្ចប់
-សារធាតុញៀនប្រភេទកញ្ចប់ម៉ាកStawberry ពណ៌ក្រហម ចំនួន ១៥ កញ្ចប់
-សារធាតុញៀនប្រភេទកញ្ចប់ម៉ាក Grape ពណ៌ ស្វាយ ចំនួន ៣៥ កញ្ចប់
បច្ចុប្បន្នជនសង្ស័យ និងវត្ថុតាងខាងលើ ការិយាល័យកសាងសំណុំរឿងបញ្ជូនទៅសាលាដំបូងរាជធានីភ្នំពេញ ។
