ភ្នំពេញ៖ សមត្ថកិច្ច នៃអធិការដ្ឋាននគរបាលខណ្ឌដូនពេញ បញ្ជាក់អោយដឹងថា បានឃាត់ខ្លួន ជនសង្ស័យម្នាក់ ករណីលួចមានស្ថានទម្ងន់ទោស (ជិះម៉ូតូ ឆក់ទូរសព្ទ័ដៃម៉ាក IPhone 13Pro max កាល ពីវេលាម៉ោង១៤ និង១៨នាទី ថ្ងៃទី២៥ កុម្ភៈ ២០២៣ នៅចំណុចមុខផ្ទះ184 ផ្លូវ19 (ខាងក្រោយសាលា រចនា) ភូមិ៩ សង្កាត់ជ័យជំនះ ខណ្ឌដូនពេញ ។
ក្រោយពីទទួលបានពាក្យបណ្តឹងសមត្ថកិច្ចប៉ុស្តិ៍ជ័យជំនះហើយ ភ្លាមមកកម្លាំងជំនាញយុត្តិធម៍នៃអធិការដ្ឋាន-ប៉ុស្តិ៍ សហការណ៍ជាមួយកម្លាំងការិយាល័យកំរិតធ្ងន់ នាយកដ្ឋានព្រហ្មទណ្ឌ បានធ្វេីការស្រាវជ្រាវឈានដល់ការឃាត់ខ្លួន បានជនសង្ស័យម្នាក់ នៅចំណុចស្តុបអូឡាំពេជ្រ សង្កាត់ទួលស្វាយព្រៃទី១ ខណ្ឌបឹងកេងកង នៅយប់ថ្ងៃទី២ខែមីនា២០២៣ វេលាម៉ោង០០ និង ៣០នាទី។
ជនសង្ស័យ ឈ្មោះ អោក ធីរ៉ូ ភេទប្រុស អាយុ27ឆ្នាំ ជនជាតិខ្មែរ មានទីលំនៅផ្ទះលេខ477 ផ្លូវជាតិលេខ៥ ភូមិមិត្តភាព សង្កាត់ឬស្សីកែវ ខណ្ឌឬស្សីកែវ។
វត្ថុតាងដកហូត៖
-ម៉ូតូម៉ាកHonda click ពណ៍ស ក្រហម ស្លាកលេខ ភ្នំពេញ 1HZ-1538។
- ទូរសព្ទ័ដៃម៉ាកRemi 5G ពណ៍ខៀវចំនួន០១គ្រឿង ។
-សោរម៉ូតូពណ៍ក្រហម ចំនួន០១
ជនរងគ្រោះ ឈ្មោះ ឡុក គីមបូរមី ភេទស្រី អាយុ 22 ឆ្នាំជនជាតិខ្មែរ មានទីលំនៅផ្ទះគ្មានលេខ ផ្លូវបេតុង ភូមិទួលសំពៅ សង្កាត់ទួលសង្កែ១ ខណ្ឌឬស្សីកែវ។
ទិសដៅបន្ត អធិការដ្ឋានបាននឹងកំពុងកសាងសំណុំរឿងបញ្ជូនជនសង្ស័យខាងលេី ទៅសាលាដំបូងរាជធានីដើម្បីអនុវត្តន៍តាមនីតិវិធី៕
