ខេត្តកំពង់ស្ពឺ ៖ សមត្ថកិច្ច ប្រាប់អោយដឹងថា មានករណី ម៉ូតូប៉ះរថយន្ត ពីក្រោយ រួចខ្ទាតម៉ូតូ និងមនុស្សចូលរថយន្ត ១គ្រឿងទៀត នៅលើផ្លូវជាតិ លេខ51 ចន្លោះគីឡូម៉ែត្រលេខ 33-34 ចំណុចភូមិថ្មគោល ឃុំសំបូរ ស្រុកសំរោងទង ខេត្តកំពង់ស្ពឺ។
សមត្ថកិច្ច បន្តថា ម៉ូតូ ១គ្រឿង ម៉ាក ហុងដា ស្កុបពី ពណ៍ស ពាក់ស្លាកលេខកំពង់ស្ពឺ1W-6840 អ្នកបើកបរ ឈ្មោះ វន រតនា ភេទស្រី អាយុ17ឆ្នាំ រស់នៅភូមិត្រពាំងក្រឡូង ឃុំក្សេមក្សាន្ត ស្រុកឧដុង្គ បើកបរពីទិសខាងជើង ទៅទិសខាងត្បូង លុះមកដល់ចំណុចខាងលើបានប៉ះពីក្រោយរថយន្តម៉ាក FUSO ពណ៌ទឹកប្រាក់ ពាក់ ផ្លាកលេខ ភ្នំពេញ 3B-1313 អ្នកបើកបរមិនស្គាល់អត្តសញ្ញាណ គេចខ្លួន ក្រោយពេលកើតហេតុ រថយន្ដឈប់ចត ពីជើងទៅត្បូង ស្របទិសគ្នា រួចក៏ខ្ទាតម៉ូតូ និងមនុស្ស ចូលរថយន្តមួយទៀត មិនស្គាល់ម៉ាក ស្លាកលេខ អត្តសញ្ញាណ រួចបានបើកគេចក្រោយពេលកើតហេតុ ។
ក្នុងហេតុការណ៍ខាងលើបណ្ដាលឱ្យ ឈ្មោះ វន រតនា ស្លាប់ នៅកន្លែងកើតហេតុ និងខូចខាតម៉ូតូមួយគ្រឿង។
នគរបាលចរាចរណ៍ ចុះស្រាវជ្រាវ ករណីខាងលើ និងបានយកវត្ថុតាងរថយន្ត មករក្សាទុកនៅប៉ុស្គិ៍នគរបាលរដ្ឋបាលសំបូរ ដើម្បីចំណាត់ការនីតិវិធីបន្ដ៕
