ក្រសួងសាធារណការ និងដឹកជញ្ជូនការបើកបរ បញ្ច្រាសទិសចរាចរណ៍ មិនថា នៅលើផ្លូវល្បឿនលឿន ឬផ្លូវណា នោះទេ វាជាការបំពានច្បាប់ចរាចរណ៍ យ៉ាងធ្ងន់ធ្ងរ និងប្រមាថអាយុជីវិតខ្លួនឯង និងអ្នកដទៃ!
ក្រសួង សំណូមពរយ៉ាងទទូច ដល់បងប្អូនប្រជាពលរដ្ឋ សូមចូលរួមគោរពច្បាប់ចរាចរណ៍ ឲ្យបានខ្ជាប់ខ្ជួន និងជៀសវាងការប្រព្រឹត្តល្មើសនានា ដើម្បីសុវត្ថិភាពពេលធ្វើដំណើរ និងរក្សាបានសណ្តាប់ធ្នាប់ក្នុងទីសាធារណៈ។
សូមបញ្ជាក់ផងដែរថា កាលពីថ្ងៃទី19 កុម្ភៈ 2023 មាន រថយន្តមួយគ្រឿងម៉ូដែល Prius ផ្លាកលេខសម្គាល់ ភ្នំពេញ 2AX-9217 បានបើកបញ្រ្ចាសទិសចរាចរណ៍ លើផ្លូវល្បឿនលឿន ភ្នំពេញ-ក្រុងព្រះសីហនុ។
បច្ចុប្បន្ន សមត្ថកិច្ច កំពុងធ្វើការស្រាវជ្រាវរកអ្នកបើកបរ ជាក់ស្តែង តាមរយៈអត្តសញ្ញាណ និងអាសយដ្ឋានរបស់ម្ចាស់រថយន្ត។
សូមអ្នកបើកបររថយន្តក្នុងព្រឹត្តិការណ៍ខាងលើ មានការភ្ញាក់រឭក ដឹងខ្លួនកែកំហុស ចូលខ្លួនសហការជាមួយមន្ត្រីនគរបាលមានសមត្ថកិច្ច ដើម្បីអនុវត្តនីតិវិធី។ សូមអរគុណ!
