កីឡា៖ ឯកឧត្ដម ស សុខា រដ្ឋលេខាធិការក្រសួងអប់រំ យុវជន និងកីឡា សូមចូលរួមអបអរសាទរ ដល់ក្រុមបាល់ទះ ក្នុងសាលបុរសជម្រើសជាតិកម្ពុជា ដែលបានយកឈ្នះលើក្រុមយុវជនក្រោមអាយុ ១៩ឆ្នាំ របស់បារាំង នៃជំនួបមិត្តភាពអន្តរជាតិ ជើងទី២ ដោយលទ្ធផល ៣សិតទល់១សិត នៅល្ងាចថ្ងៃពុធ ទី២២ ខែកុម្ភៈ ឆ្នាំ២០២៣ នេះ លើទីលានបាល់ទះក្នុងវិមានពហុកីឡដ្ឋានជាតិ (អូឡាំពិក) រាជធានីភ្នំពេញ ។
ឯកឧត្ដម បញ្ជាក់បន្ថែមថា អាចថាជាការកែទម្រង់លេងរបស់ខ្លួនបានល្អឡើងវិញរបស់ក្រុមកម្ពុជា យើងបន្ទាប់ពីប្រកួតជើងទី១ កាលពីថ្ងៃអាទិត្យកន្លងទៅយើងបានបរាជ័យដោយលទ្ធផល ៣សិតទល់០ ។
លទ្ធផលនៃការប្រកួតទាំងអស់នេះ បានបង្ហាញពីការត្រៀមខ្លួនរបស់ក្រុមបាល់ទះជម្រើសជាតិកម្ពុជាយើង ក្នុងករណីមានការឆកល្វែងអំឡុងពេលសំងំហ្វឹកហាត់បច្ចេកទេស ដើម្បីកែតម្រូវ រង់ចាំបើកទ្វាទទួលមិត្តអាស៊ាន ក្នុងនាមជាម្ចាស់ផ្ទះព្រឹត្តិការណ៍កីឡាស៊ីហ្គេមលើកទី៣២ ឆ្នាំ២០២៣ ក្នុងខែឧសភា ខាងមុខ ។
ឯកឧត្ដម ស សុខា សូមជូនពរគ្រប់គ្នា ទទួលបានជោគជ័យ ក្នុងបេសកកម្ម ជូនជាតិមាតុភូមិ បន្តបន្ទាប់នាពេលខាងមុខ៕
