ហេតុអ្វី អាជ្ញាធរស្រុក មិនអើពើ ចុះទៅបង្ក្រាប? ខណៈ ក្រុមឈ្មួញដ៏មានឥទ្ធិពលកំពុងដាក់គ្រឿងចក្រលួចជីកកាយដី ក្បែរអាងទឹកទួលពន្រៃ

ប្រភពព័ត៌មានបានបន្តថា នៅថ្ងៃនេះមានក្រុមឈ្មួញមួយក្រុមពុំដឹងថាមកពីណាពីណី មានច្បាប់ឬគ្មានច្បាប់នោះទេ ស្រាប់តែស្ងាត់ៗដាក់គ្រឿងចក្រនិងរថយន្តដឹកដីជាច្រើនគ្រឿងមកជីកកាយយកអាចម៍លក់យ៉ាងគគ្រឹកគគ្រេងដោយគ្មានញញើតច្បាប់សូម្បីបន្តិច។

ប្រភពព័ត៌មានបានបន្តទៀតថា ពួកគាត់សង្ឃឹមថា លោក ជឺ គីមហៃ ដែលមានតំណែងជាអភិបាលស្រុកស្អាង ក្រោយពីទទួលបានព័ត៌មានហើយ នឹងដឹកនាំកម្លាំងចុះទៅបង្ក្រាបឲ្យបានទាន់ពេលវេលា។

តាមប្រភពច្បាស់ការណ៍មួយបានអះអាងថា ក្រុមឈ្មួញអាណាធិបតេយ្យទាំងនោះ ពុំមានច្បាប់អនុញ្ញាតត្រឹមត្រូវនោះទេ ពោលគឺអាងខ្សែ អាងគ្នា អាងខ្នង អាងអំណាច ហើយលួចចុះធ្វើសកម្មភាពដោយគន្លើនច្បាប់របស់រដ្ឋអំណាចខេត្តកណ្ដាល៕