ខេត្តព្រះសីហនុ៖ យោងតាម គណនី ហ្វេសប៊ុក Bong Heng Real កាលពីថ្ងៃទី 17.02.2023 បង្ហោះមានខ្លឹមសារទាំងស្រុងថា ៖ សូមជំរាបទៅបងប្អូននៅក្នុងបណ្ដាញសង្គម ហ្វេសប៊ុក ឲបានជ្រាបថា កណីដែលប្អូនស្រីខ្ញុំ និង ប្អូនថ្លៃ បានទៅលេងកម្សាន្តនៅលើកោះមួយកន្លែងដែលមានឈ្មោះថា Moonlight Resort នៅថ្ងៃទី 14 ខែ កុម្ភៈ ឆ្នាំ 2023 ដែលស្ថិតនៅ កោះរុងសន្លឹម លុះដល់យប់អាធ្រាត មានចោរចំនួន ២នាក់បានគាស់បង្អួចចូលមកយកទ្រព្យសម្បិត្តមួយចំនួនដូចជា ៖ ទូរសព្ទ័ចំនួន ២គ្រឿង iPhone 14 Pro Max ( ពណ៍ស្វាយ) / iPhone 12 Pro Max ( ពណ៍ទឹកមាស ) ចិញ្ចៀនពេជ្រ ១វង់ និង កាបូបយួរដៃមួយដែលមានលុយមួយពាន់ជាង និង ឯកសារផ្សេងៗទៀត ។
ដោយមានការចង្អុលបង្ហាញពី លោកឧត្តមសេនីយ៍ទោ ជួន ណារិន្ទ ស្នងការខេត្ត ព្រះសីហនុ បានបញ្ជាឲខាងកម្លាំងព្រហ្មទណ្ឌចុះស្រាវជ្រាវចុះបងក្រាប់ចាប់ជនសង្ស័យបានទាំងស្រុង និង យកបានវត្ថុតាង ប្រគល់ឲប្អូនស្រី និង ប្អូនថ្លៃជនរងគ្រោះវិញ។
ជាចុងក្រោយ ខ្ញុំបាទ សូមថ្លែងអំណគុណយ៉ាងជ្រាលជ្រៅ ទៅដល់លោកឧត្តមសេនីយ៍ទោ ជួន ណារិន្ទ ស្នងការនរគបាល ខេត្តព្រះសីហនុ និង កម្លាំងនគរបាលព្រហ្មទណ្ឌ ខេត្តព្រះសីហនុ ទាំងអស់ដែលបានខិតខំប្រឹងប្រែងចាប់ជនសង្ស័យ យកវិញសម្ភរៈដែលបាត់បង់ ប្រគល់ជូនប្អូនស្រី និង ប្អូនថ្លៃខ្ញុំវិញ ។
