ព្រះសីហនុ ៖ មន្ត្រីអាវុធហត្ថ បញ្ជាក់អោយដឹងថា នៅវេលាម៉ោង១០:៣០នាទី ថ្ងៃទី២៨ ខែមករា ឆ្នាំ២០២៣ មានករណីគ្រោះថ្នាក់ចរាចរណ៍មួយ បង្កឡើងដោយខ្លួនឯង បេីកបរក្នុងល្បឿនលឿនទៅបុកនឹងរនាំងថ្ម ដែលដាំនៅសងខាងផ្លូវ បណ្ដាលឱ្យធ្លាក់ប្រឡាយ នៅលើផ្លូវលេខ ១៤៦B ត្រង់ចន្លោះគីឡូម៉ែត្រលេខ: ២០-២១ (វាលរេញ-ស្ទឹងហាវ) ស្ថិតភូមិ១ ឃុំទំនប់រលក ស្រុកស្ទឹងហាវ ខេត្តព្រះសីហនុ។
ម៉ូតូ ០១គ្រឿង ម៉ាក EXCITER ពណ៌ខ្មៅ គ្មានផ្លាកលេខ ជិះគ្នាពីរនាក់ បើកបរដោយឈ្មោះ អុក ថៃ ភេទប្រុស អាយុ ១៨ឆ្នាំ មានស្រុកកំណេីត នៅឃុំមានរិទ្ធិ ស្រុកដងទង់ ខេត្តកំពត នឹងអ្នករួមដំណេីរជាមួយ ឈ្មោះ សុឹម ឌី ភេទប្រុស អាយុ ១៨ឆ្នាំ រស់នៅភូមិឃុំជាមួយគ្នា។
ចំពោះមុខកម្លាំងល្បាតនៃមូលដ្ឋានកងរាជអាវុធហត្ថស្រុកស្ទឹងហាវ ចុះទៅដល់កន្លែងកើតហេតុ និងទំនាក់ទំនងទៅរថយន្តសង្រ្គោះដឹកបញ្ជូនជនរងគ្រោះទៅព្យាបាលនៅមន្ទីរពេទ្យបង្អែកខេត្តព្រះសីហនុ។
ករណីខាងលើនេះ បណ្ដាលឱ្យមានមនុស្សរងរបួសធ្ងន់ ស្រាល ចំនួន ០២នាក់។
