ភ្នំពេញ៖ លោក ឡុង ឌីម៉ង់ អភិបាលរងខេត្តព្រះសីហនុ៖ បើមានទង្វើបែបនេះនៅក្នុងខេត្តព្រះសីហនុ សូមជួយប្រាប់ឱ្យខ្ញុំដឹងផង!
អភិបាលរងខេត្ត រូបនេះ ចែករំលែក និងផ្តល់ជាមតិ ក្រោយផេក វិទ្យាល័យសម្តេចតេជោ ហ៊ុន សែន សំពៅលូន បង្ហោះរូបភាពជិត១០០សន្លឹក អមដោយខ្លឹមសារថា ៖
ការចុះអនុវត្តវិន័យ របស់លោកគ្រូអ្នកគ្រូនឹងក្រុមប្រឹក្សាយុវជន…
ថ្ងៃច័ន្ទ ២ កើត ខែមាឃ ឆ្នាំខាល ចត្វាស័ក ពស ២៥៦៦ ត្រូវនឹងថ្ងៃទី23 ខែមករា ឆ្នាំ2023 #វិទ្យាល័យសម្ដេចតេជោហ៊ុនសែនសំពៅលូន។
ដោយឡែក ឯកឧត្តម ហ៊ុយ វណ្ណៈ រដ្ឋលេខាធិការក្រសួងមហាផ្ទៃ និងប្រធាន សហភាពសហព័ន្ធអ្នកសារព័ត៌មានកម្ពុជា បង្ហោះក្នុងគណនីហ្វេសប៊ុកផ្លូវការ ថា រូបភាព គ្រូបង្រៀន ឈូសសក់ សិស្ស!
១/ ស្តង់ដារសក់ខ្លី តើកំណត់ខ្លីត្រឹមណាទៀត?
២/ តើទទួលគោលការណ៍ធ្វើរបៀបនេះ ចេញពីកម្រិតណា? ម៉េចក៏ទៅជាអ៊ីចឹង? ភាពជាគំរូ និងសុភវិនិច្ឆ័យ ទៅណាបាត់អស់? ទង្វើនេះជាការបំបាក់ផ្លូវចិត្តសិស្សធំណាស់ ដែលត្រូវមានការកែលម្អឡើងវិញ! រួមគ្នាគិតគូពីគំរូសីលធម៌សង្គមឡើងវិញ។
