ភ្នំពេញ៖ សមត្ថកិច្ច ប្រាប់អោយដឹងថា មានករណីអគ្គិភ័យ ឆាបឆេះផ្ទះ មួយកន្លែង កាលពីវេលាម៉ោង ១២ និង៣០នាទី ថ្ងៃអាទិត្យ ១កេីត ខែបុស្ស ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី២២ ខែមករា ឆ្នាំ២០២៣ ដែលសិ្ថតនៅចំណុចផ្ទះលេខC10-C12 ផ្លូវលំ ភូមិទ្រុងមាន់ សង្កាត់អូរបែកក្អម ខណ្ឌសែនសុខ រាជធានីភ្នំពេញ។
ហេតុការណ៍អគ្គិភ័យឆាបឆេះខាងលេីនេះ គឺបណ្តាលមកពីការដុតធូបសែនបង្ក ជាអគ្គិភ័យ ក្នុងនោះបានបណ្តាលឲ្យឆាបឆេះហឹងកុងម៉ា, ម៉ាស៉ីនត្រជាក់, កៅអី, តុ និងពុំបណ្តាលឲ្យឆេះរាលដាលដល់ផ្ទះអ្នកជិតខាងឡេីយ។
នៅវេលាម៉ោង ១៣និង០០នាទីនាថ្ងៃខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យ រាជធានីភ្នំពេញ ចំនួន ២គ្រឿង ប្រេីប្រាស់ទឹកអស់ ១ឡាន ស្មើរនឹង ៤ម៉ែត្រគូប៕
ប្រភព៖ ការិយាល័យបង្ការពន្លត់អគ្គិភ័យ និងសង្គ្រោះ នៃស្នងការនគរបាលរាជធានីភ្នំពេញ
