ភ្នំពេញ៖ ជនសង្ស័យម្នាក់ ត្រូវសមត្ថកិច្ច ឃាត់ខ្លួនករណីចោរកម្ម លួចម៉ូតូ។ លោកវរសេនីយ៍ឯក ប៊ុន សត្យា នាយការិយាល័យកំរិតស្រាល នៃស្នងការរាជធានីភ្នំពេញ ប្រាប់អោយដឹងថា កម្លាំងជំនាញរបស់ការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ បានស្រាវជ្រាវឃាត់ខ្លួនជនសង្ស័យម្នាក់ នៅចំណុចក្រោមស្ពានជ្រោយចង្វារ ភូមិដើមគរ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ពាក់ព័ន្ធករណីលួចម៉ូតូ ប្រព្រឹត្តនៅចំណុចមុខផ្ទះលេខ៦៧៤ ផ្លូវទន្លេសាប ក្រុមទី០៤ ភូមិដើមគរ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ កាលពីថ្ងៃទី១៤ ខែមករា ឆ្នាំ២០២៣។
ជនរងគ្រោះឈ្មោះយាន ស្រីលក្ខ័ ភេទស្រី ជនជាតិ ខ្មែរ មានទីលំនៅស្នាក់នៅ ផ្លូវទន្លេសាប ភូមិដើមគរ ក្រុមទី៤ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
ជនសង្ស័យឈ្មោះ អេង ណារិទ្ធិ ភេទប្រុស អាយុ៣១ឆ្នាំ ជនជាតិខ្មែរ សញ្ជាតិខ្មែរ មុខរបរ មិនពិតប្រាកដ ស្នាក់នៅមិនពិតប្រាកដ។
សម្ភារៈបាត់បង់៖ ម៉ូតូម៉ាកហុងដា ស្កុបពី ពណ៌ក្រហម សេរី២០២២ ពាក់ផ្លាកលេខ ភ្នំពេញ 1IW 4463។
បច្ចុប្បន្នជនសង្ស័យខាងលើ កម្លាំងជំនាញការិយាល័យ កំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធី៕
