បាត់ដំបង៖យោងតាមបទបញ្ជាផ្ទាល់ពីលោក ឧត្តមសេនីយ៍ទោ សាត គឹមសាន ស្នងការដ្ឋាននគរបាលខេត្តបាត់ដំបង ក៏ដូចជា លោកវរសេនីយ៍ឯក លឹម ពុទ្ធីឡា ស្នងការរង ផែនការងារនគរបាលពព្រហ្មទណ្ឌនិងមានការសម្របសម្រួល
នីតិវិធីពីលោក កែវ សុជាតិ ព្រះរាជអាជ្ញា នៃអយ្យការអមសាលាដំបូងខេត្តបាត់ដំបងផងនោះ ទើបលោកវរសេនីយ៍ឯក ឈឿង គឹមសុង ប្រធានការិយាល័យព្រហ្មទណ្ឌកំរិតស្រាលដឹកនាំកម្លាំង អន្តរាគមន៍ បង្ការ បង្ក្រាប ចុះទៅបង្ក្រាបនិងឃាត់ខ្លួនអ្នកលេងល្បែងសុីសង អាប៉ោង មួយក្រុមបញ្ជូនទៅស្នងការនគរបាលខេត្តបាត់ដំបង ឃុំខ្លួនជាបណ្តោះអាសន្ន។
ប្រតិបត្តិការនេះសមត្ថកិច្ចចុះទៅបង្ក្រាបកាលពីវេលាម៉ោង១០និង៥០នាទីយប់ ថ្ងៃទី១០ ខែមករា ឆ្នាំ២០២៣ នៅចំណុចភូមិច្រាបក្រសាំង សង្កាត់វត្តគរ ក្រុងបាត់ដំបង ខេត្តបាត់ដំបង។
ក្រុមអ្នកលេងល្បែងខុសច្បាប់ដែលត្រូវសមត្ថកិច្ចឃាត់ខ្លួនបានមានឈ្មោះដូចតទៅ៖ទី១-ឈ្មោះ សៀង គីម ភេទប្រុស អាយុ ៧០ ឆ្នាំ មានទីលំនៅភូមិព្រៃកូនសេក សង្កាត់អូរចារ ក្រុងបាត់ដំបង ខេត្តបាត់ដំបង ។
ទី២- ឈ្មោះ អូន អ៊ុល ភេទប្រុស អាយុ ៤២ ឆ្នាំ មានទីលំនៅភូមិច្រាបក្រសាំង សង្កាត់វត្តគរ ក្រុងបាត់ដំបង ខេត្តបាត់ដំបង ។
ទី៣-ឈ្មោះ អ៊ន អៀត ភេទប្រុស អាយុ ៦៨ ឆ្នាំ មានទីលំនៅភូមិដាក់សសរ សង្កាត់អូរម៉ាល់ ក្រុងបាត់ដំបង ខេត្តបាត់ដំបង ។
ទី៤-ឈ្មោះ វន្ត័ វី ភេទប្រុស អាយុ ៥៦ ឆ្នាំ មានទីលំនៅភូមិត្រាង ឃុំអូរតាគី ស្រុកថ្មគោល ខេត្តបាត់ដំបង ។
ទី៥- ឈ្មោះ ជា សូនី ភេទប្រុស អាយុ ៥២ ឆ្នាំ មានទីលំនៅភូមិវត្តគរ សង្កាត់វត្តគរ ក្រុងបាត់ដំបង ខេត្តបាត់ដំបង ។
ទី៦- ឈ្មោះ បាក់ គឹមហៀក ភេទស្រី អាយុ ៦៥ ឆ្នាំ មានទីលំនៅភូមិព្រៃកូនសេក សង្កាត់អូរចារ ក្រុងបាត់ដំបង ខេត្តបាត់ដំបង ។
ទី៧-ឈ្មោះ ហៃ ភូន ភេទស្រី អាយុ ៦០ ឆ្នាំ មានទីលំនៅភូមិច្រាបក្រសាំង សង្កាត់វត្តគរ ក្រុងបាត់ដំបង ខេត្តបាត់ដំបង ។
ទី៨- ឈ្មោះ វុត ប៉ុច ភេទស្រី អាយុ ៤៩ ឆ្នាំ មានទីលំនៅភូមិអូរពងមាន់ ឃុំតាគ្រាម ស្រុកបាណន់ ខេត្តបាត់ដំបង ។
សមត្ថកិច្ចដកហូតបានវត្ថុតាងជាក់ស្តែងរួមមាមាន៖កម្រាលសម្រាប់ចាក់អាអាប៉ោង ចំនួន១ គម្របផ្តឹលជ័រ ពណ៌ខៀវចំនួន១ ឆ្នាំង ដាក់ដី សម្រាប់ ទ្រ ចានអាប៉ោង ចំនួន១ និងសម្ភារៈសម្រាប់លេងសុីសងមួយចំនួនទៀត។
បច្ចុប្បន្នកម្លាំងនគរបាលជំនាញកំពុងធ្ធ្វេីការសាកសួរក្រុមអ្នកញៀនល្បែងសុីសងទាំងអស់នោះដើម្បីរៀបចំសំណុំរឿងបញ្ជូនទៅសាលាដំបូងខេត្តបាត់ដំបងចាត់ការបន្តតាមផ្លូវច្បាប់៕
ដោយ៖ សុខ កុសល
