ភ្នំពេញ៖ សមត្ថកិច្ច បញ្ជាក់ប្រាប់ថា បានឃាត់ខ្លួនជនសង្ស័យចំនួន២នាក់ ពាក់ព័ន្ធករណីលួច (ប្រើអាវុធខ្លី និងកូនកាំបិតបត់ ភ្ជង់ប្លន់យកប្រាក់)។
ការឃាត់ខ្លួននេះ ធ្វើឡើងកាលពីថ្ងៃទី៧ ខែមករា ឆ្នាំ២០២៣ វេលាម៉ោង១៤ និង ៣០ នាទី នៅចំណុចមុខច្រកចូលបុរីចំការមន ផ្លូវព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
សមត្ថកិច្ច បញ្ជាក់អោយដឹងថា ជនសង្ស័យទាំង២នាក់ ប្រើអាវុធខ្លីម៉ាកLOCK 19 និងកូនកាំបិតបត់ ម៉ាកBrowning ដងឈើភ្ជង់ប្លន់យកប្រាក់ចំនួន ៧៣៩ដុល្លារអាមេរិក ប្រព្រឹត្តនៅចំណុចហាងហួយយ៉ូវ ផ្លូវបេតុង ក្រុម៧៨ ភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីថ្ងៃទី០៦ ខែមករា ឆ្នាំ២០២៣ វេលាម៉ោង១៧ និង ៣០នាទី។
ជនរងគ្រោះឈ្មោះ FANG FANG ភេទ ស្រី អាយុ ៣៤ឆ្នាំ។
ជនសង្ស័យឃាត់ខ្លួនចំនួន០២នាក់
១- ឈ្មោះ YAO YUHONG ភេទ ប្រុស អាយុ៤៣ឆ្នាំ ជនជាតិ ចិន មុខរបរ បុគ្គលិកបើកបររថយន្តនៅកាស៊ីណូជីងលី ស្នាក់នៅអាផាតមិនបាលី១ បន្ទប់លេខ១២អា១ ផ្លូវចៃកា ក្រុម៧៨ ភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
២- ឈ្មោះ WANG YANG ភេទ ប្រុស អាយុ៣៦ឆ្នាំ ជនជាតិ ចិន មុខរបរ មិនពិតប្រាកដ ស្នាក់នៅអាផាតមិនបាលី១ បន្ទប់លេខ១២អា១ ផ្លូវចៃកា ក្រុម៧៨ ភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
វត្ថុតាងចាប់យក៖ អាវុធខ្លីម៉ាកLOCK 19 ពណ៌ ខ្មៅ ចំនួន ០១ ដើម, បង់អាវុធខ្លី ចំនួន ០២, គ្រាប់អាវុធខ្លីចំនួន១៧ គ្រាប់។
បច្ចុប្បន្នជនសង្ស័យ និងវត្ថុតាងខាងលើ កម្លាំងជំនាញការិយាល័យ កំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធី៕
