ខេត្តកោះកុង៖ សមត្ថកិចកិច្ច ប្រាប់ថា នៅថ្ងៃទី៦ ខែមករា ឆ្នាំ២០២២ ប៉ុស្តិ៍រដ្ឋបាលនគរបាលសង្កាត់ដងទង់ បានទទួលពាក្យបណ្ដឹងពីឈ្មោះ ស៊ីន ហាហ្វីល ភេទប្រុស អាយុ៣៦ឆ្នាំ ជនជាតិខ្មែរឥស្លាម មានទីលំនៅ ភូមិ០៤ សង្កាត់ដងទង់ ក្រុងខេមរភូមិន្ទ ករណី មានជនមិនស្គាល់អត្តសញ្ញាណបានលួចរថយន្តមួយគ្រឿងម៉ាកCamry ពណ៌ស ស្លាកលេខ ភ្នំពេញ២D-៤៦៦៧ លេខតួ៣៦០៣៤៨ លេខម៉ាស៊ីន០៥៤០៤៤៤ ចតទុកម្ដុំវិហារឥស្លាមព្រែកតងក្នុងភូមិ៤ សង្កាត់ដងទង់ ក្រុងខេមរភូមិន្ទ ។
ក្រោយពីទទួលបានពាក្យបណ្ដឹងពីជនរងគ្រោះ លោកអធិការក្រុងខេមរភូមិន្ទ បានដឹកនាំផ្នែកជំនាញធ្វើការស្រាវជ្រាវរកមុខសញ្ញានិងផ្ដល់ព័ត៌មានដល់សមត្ថកិច្ចជំនាញតាមបណ្ដាក្រុង-ស្រុក និងខេត្តនានា ។
សូមជម្រាបថា កាលពី ថ្ងៃទី៧ ខែមករា ឆ្នាំ២០២៣ ម៉ោង១៥:៣០កម្លាំងសមត្ថកិច្ចនៃអធិការដ្ឋាននគរបាលក្រុងព្រះសីហនុបានធ្វើការឃាត់ខ្លួនជនសង្ស័យឈ្មោះសុះ គ្រីយ៉ា ភេទប្រុស អាយុ២៤ឆ្នាំ និងរថយន្តមួយគ្រឿងមានភិនភាគដូចរៀបរាប់ខាងលើបាននៅចំណុចភូមិ៥ សង្កាត់លេខ៤ ក្រុងព្រះសីហនុ ខេត្តព្រះសីហនុ។
វត្ថុតាងដកហូត: រថយន្តមួយគ្រឿងម៉ាក Camry ពណ៌ស ស្លាកលេខ ភ្នំពេញ២D-៤៦៦៧ លេខតួ១SV២១E៤MU៣៦០៣៤៨ លេខម៉ាស៊ីន ៤S០៩៤០៤៤៤ នៅថ្ងៃទី០៨ ខែមករា ឆ្នាំ២០២៣ វេលាម៉ោង១៥:០០នាទី កម្លាំងនគរបាលនៃអធិការដ្ឋានក្រុងព្រះសីហនុបានប្រគល់ជនសង្ស័យ និងវត្ថុតាងមកនគរបាលនៃអធិការដ្ឋានក្រុងខេមរភូមិន្ទដើម្បីធ្វើការសួរបំភ្លឺ ។
លុះដល់នៅថ្ងៃទី ០៩ ខែមករា ឆ្នាំ ២០២៣ វេលាម៉ោង ៩:០០នាទីព្រឹក កម្លាំងនគរបាលក្រុងខេមរភូមិន្ទបានធ្វើការឃាត់ខ្លួនបក្សពួកម្នាក់ទៀតនៅចំនុចខាងជើងស្តូប ស្ថិតនៅភូមិស្មាច់មានជ័យ សង្កាត់ស្មាច់មានជ័យ ក្រុងខេមរភូមិន្ទ ។
ឃាត់ខ្លួនជនសង្ស័យឈ្មោះ ម៉ើត ម៉ូសើ ភេទប្រុស អាយុ ៣០ឆ្នាំ មុខរបរកម្មករ ស្នាក់នៅភូមិស្មាច់មានជ័យ សង្កាត់ស្មាច់មានជ័យ ក្រុងខេមរភូមិន្ទ ។
ជនសង្ស័យទាំង២នាក់ខាងលើ ត្រូវបានផ្នែកព្រហ្មទណ្ឌក្រុង បំពេញសុំនុំរឿងបញ្ជូនទៅការិយាល័យជំនាញដើម្បីបន្តនិតិវិធីច្បាប់។
