ខេត្តកណ្តាល ៖ សមត្ថកិច្ច ប្រាប់អោយដឹងថា បានឃាត់ខ្លួនជនសង្ស័យម្នាក់ ករណី អំពើលួច (ទ្វារ និងជណ្តើរដែក) កាលពីថ្ងៃទី០៥ ខែមករា ឆ្នាំ២០២៣ វេលាម៉ោង១៩និង ៣០នាទី នៅចំណុច ផ្ទះជនរងគ្រោះភូមិកណ្តាលកោះ សង្កាត់កោះអន្លង់ចិន ក្រុងតាខ្មៅ ខេត្តកណ្ដាល។
ជនរងគ្រោះ ឈ្មោះ លឹម គង់ ភេទប្រុស អាយុ៣២ឆ្នាំ ទីលំនៅភូមិសង្កាត់កើតហេតុ មុខរបរកសិករ ។
ជនសង្ស័យ០២នាក់
១-ឈ្មោះនុត រិទ្ធី ហៅខ្លី ភេទប្រុស អាយុ២៧ឆ្នាំ ជនជាតិខ្មែរ មានទីលំនៅភូមិឈើទាលឃុំឈើទាលស្រុកកៀនស្វាយខេត្តកណ្តាល មុខរបរមិនពិតប្រាកដ(ឃាត់ខ្លួន) ។
២-ឈ្មោះ នី ភេទប្រុស អាយុ២៧ឆ្នាំ ជនជាតិខ្មែរ មានទីលំនៅភូមិឈើទាលឃុំឈើទាលស្រុកកៀនស្វាយខេត្តកណ្តាល មុខរបរមិនពិតប្រាកដ(គេចខ្លួន)
វត្ថុតាងចាប់យក៖
១-ទ្វាដែកចំនួន០៣ផ្ទាំងមានទម្ងន់១៥គីឡូក្រាម
(របស់ជនរងគ្រោះ) ។
២-ជណ្តើរដែកចំនួន០១ មាន០៧កាំ ទម្ងន់១០គីឡូក្រាម
(របស់ជនរងគ្រោះ)
សមត្ថកិច្ច ប្រាប់អោយដឹងថា កាលពីពេលវេលានិងទីកន្លែងកើតហេតុខាងលើ មានជនសង្ស័យ០២នាក់បាននាំគ្នាជិះម៉ូតូចូលមកធ្វើសកម្មភាពលួចជណ្តើរនិងទ្វាដែករបស់ជនរងគ្រោះយកទៅបាត់។
លុះមកដល់ថ្ងៃទី០៩ខែមករាឆ្នាំ២០២៣ ក៏ត្រូវសមត្ថកិច្ចប៉ុស្តិ៍កោះអន្លង់ចិនធ្វើការស្រាវជ្រាវឃាត់ខ្លួនជនសង្ស័យបានម្នាក់ឈ្មោះ នុត រិទ្ធីហៅខ្លី ព្រមទាំងដកហូតវត្ថុតាងយកបានមកវិញ ដើម្បីកសាងសំណុំរឿងចាត់ការតាមនិតិវិធីតែម្តង។
បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋានជាបណ្តោះអាសន្នដើម្បីកសាងសំណុំរឿងចាត់ការតាមនិតិវិធី៕
