ល្បែងស៊ីសង ជល់មាន់អនឡាញ ក្នុងស្រុកចំការលើ ស្នងការខេត្ត ទើបប្រកាសថ្មីៗ មិនទាន់ដឹង…?
ខេត្តកំពង់ចាម៖ ទីតាំងបនល្បែងស៊ីសង ជល់មាន់តាមអនឡាញ បេីកលេងយ៉ាងអាណាធិបតេយ្យ នៅស្រុកចំការលេី ក្នុងទឹកដីខេត្តកំពង់ចាម បន្តបើកដំណើរ តាំងស្នងការ ចាស់ រហូតផ្លាស់ ថ្មី ទោះដឹងហើយថា ល្បែងស៊ីសងខុសច្បាប់ ជាដើមចម នៃបទល្មើសគ្រប់ប្រភេទ ជាឬសគល់ នៃ អំពើហិង្សាក្នុងគ្រួសារ ជាពិសេស ផ្ទុយពីគោលនយោបាយ ភូមិ-ឃុំ-សង្កាត់ មានសុវត្ថិភាព ទាំង៧ចំណុច របស់រាជរដ្ឋាពិបាល។
តើហេតុអ្វីបានជា អាជ្ញាធរ និងសមត្ថកិច្ច មិនបង្ក្រាប រាល់ល្បែងស៊ីសងខុសច្បាប់ អោយអស់ពីមូលដ្ឋាន របស់ខ្លួន ឬមួយ ភ្លេចបទបញ្ជារបស់ សម្ដេចតេជោ នាយករដ្ឋមន្ត្រី នៃកម្ពុជា ឬ ត្រូវថ្នាំសណ្ដំ មេបនល្បែង ទេីបសម្ងំស្ងៀមធ្វេីមិនដឹង មិនឮបែបនេះ ?
សូមបញ្ជាក់ថា ទីតាំងបនល្បែងជល់មាន់អនឡាញទាំងនោះរួមមាន៖
ទី១-នៅភូមិតាប៉ាង២ ឃុំតាប្រុក
ទី២-ភូមិប្រម៉ាត់ដី ឃុំស្វាយទាបស្រុកចំការលេី ខេត្តកំពង់ចាម ។
គួររំលឹកផងដែរថា កាលថ្ងៃទី ១៧ ខែកញ្ញា ឆ្នាំ ២០២២ កន្លងទៅ សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា បានចេញបទបញ្ជា ដាច់ណាត់មួយ ឲ្យអភិបាលរាជធានីខេត្ត ទាំង ២៥ ខេត្តក្រុង ត្រូវបិទទីតាំងបនល្បែងសុីសង គ្រប់ប្រភេទ ទាំងអស់ឧ្យខាងតែបាន សម្តេចតេជោ ហ៊ុន សែន បានបញ្ជាក់យ៉ាងច្បាស់ថា អាជ្ញាធរស្រុក ក្រុង ខេត្តណា ដែលមិនទប់ស្កាត់និងមិនបង្ក្រាប បទល្មើសល្បែងស៊ីសង នៅក្នុងមូលដ្ឋានរបស់ខ្លួនទេ! អាជ្ញាធរ និងសមត្ថកិច្ចទាំងនោះ និងត្រូវប្រឈមបាត់បង់តំណែងទៀតផង។ ប៉ុន្តែអាជ្ញាធរនិងសមត្ថកិច្ច នៅស្រុកចំការលេី ហាក់សម្ងំស្ងៀម មិនទាន់នឹកឃើញចុះបង្ក្រាបទីតាំងបនល្បែងសុីសង ប្រភេទ មាន់ជល់តាមអនឡាញ ដែលបេីកលេង នៅមូលដ្ឋានរបស់ខ្លួនផ្គេីនទៅនិងបទបញ្ជារបស់ សម្ដេចតេជោ នាយករដ្ឋមន្ត្រី នៃកម្ពុជា ។
ជុំវិញបញ្ហា ល្បែងសុីសងខុសច្បាប់ ខាងលេី មហាជនសង្ឃឹមនិងជឿជាក់ថា ឯកឧត្តម អ៊ុន ចាន់ដា អភិបាលខេត្តកំពង់ចាម និង លោកឧត្តមសេនីយ៍ត្រី ហេង វុទ្ធី ដែលទើបប្រកាសអោយកាន់តំណែងជាស្នងការខេត្តកំពង់ចាម កាលពីថ្ងៃទី៣ ខែមករា ឆ្នាំ២០២៣ ក៏ដូចជាអាជ្ញាធរមានសមត្ថកិច្ច ស្រុកចំការលេី និងចុះបង្ក្រាបទីតាំងបនល្បែងសុីសងទាំងនោះ អោយអស់ ដេីម្បីឲ្យស្របតាមបទបញ្ជា របស់សម្ដេច ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ផង៕
