ភ្នំពេញ៖ ដោយមានការដឹកនាំពីលោកវរសេនីយ៍ឯក សុឹម ពិសិដ្ឋ អធិការនគរបាលខណ្ឌទួលគោក មុខសញ្ញាលួចនិងឆក់៤នាក់ត្រូវបានកម្លាំងនគរបាលខណ្ឌទួលគោកធ្វេីការឃាត់ខ្លួនបន្ទាប់ពីជនសង្ស័យទាំង៤ នាក់ធ្វេីសកម្មភាពហេីយ។
ករណីទី ១ មុខសញ្ញាជិះកង់លួចកាបូបម្នាក់ត្រូវបានកម្លាំងអធិការដ្ឋាននគរបាលខណ្ឌទួលគោកធ្វេីការឃាត់ខ្លួនបាននៅ
ចំណុចប្លុកច្រកធ្យូង ផ្លូវលេខ៣៣៦ ក្រុមទី២៨ ភូមិ១០ សង្កាត់បឹងសាឡាង ខណ្ឌទួលគោក រាជធានីភ្នំពេញ។
ជនសង្ស័យឈ្មោះ ប៉ូ សីហា ហៅ អាកាប់ពីតែន ភេទប្រុស អាយុ១៨ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅបន្ទប់ជួល ប្លុកច្រកធ្យូង ផ្លូវលេខ៣៣៦ ក្រុមទី២៨ ភូមិ១០ សង្កាត់បឹងសាឡាង ខណ្ឌទួលគោក រាជធានីភ្នំពេញ ។
វត្ថុតាងចាប់យកកង់តួស្រីចំនួន០១គ្រឿង មានពណ៌ស (ជាកង់របស់ជនសង្ស័យបានជិះធ្វើសកម្មភាពលួចនៅថ្ងៃកើតហេតុ ) ។
ជនរងគ្រោះឈ្មោះ មឿត ម៉ៃ ភេទប្រុស អាយុ៤៣ឆ្នាំ ជនជាតិខ្មែរ មុខរបរ ម៉ៅការសំណង់ សំភារ:បាត់បង់របស់ជនរងគ្រោះមាន កាបូបលុយពណ៍ឈាមជ្រូកចំនួន០១ ក្នុងកាបូបមានលុយចំនួន១០០$ (មួយរយដុល្លារសហរដ្ឋអាមេរិច) និងលុយខ្មែរចំនួន៧០,០០០៛ (ប្រាំពីរម៉ឺនរៀល) និងឡាស៊្សែសម្រាប់ថ្លឹងទឹកធ្វើសំណង់ចំនួន០១ (ជារបស់ជនរងគ្រោះដែលជនសង្ស័យលួច។
ជនសង្ស័យត្រូវបានម្លាំងនគរបាលខណ្ឌទួលគោករៀបចំសំណុំរឿងបញ្ជូនទៅសាលាដំបូងរាជធានីភ្នំពេញ។
ករណីទី២៖ នៅថ្ងៃទី៨ ខែមករា ឆ្នាំ២០២៣ វេលាម៉ោងប្រហែល ១និង៣០នាទីរំលងអាធ្រាត្រ កម្លាំងផ្នែកនគរបាលយុត្តិធម៍ នៃអធិការដ្ឋាននគរបាលខណ្ឌទួលគោក បានធ្វើការ ឃាត់ខ្លួនជនសង្ស័យ០៣នាក់ជាក់ស្តែងពីបទលួចមានស្ថានទម្ងន់ទោស (ឆក់ទូរស័ព្ទដៃជនបរទេស១គ្រឿង ម៉ាក I phone 13) ឃាត់ខ្លួនជនសង្ស័យនៅចំណុចលើផ្លូវរថភ្លើង ក្រុមទី៥៥ ភូមិ១៦ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ ដែលប្រព្រឹត្តបទល្មើសឆក់នៅចំណុចមុខស្ថានទីបូមទឹកស្អុយ ផ្លូវលេខ៥៩៨ ម្តុំត្រឡោកបែក សង្កាត់បឹងកក់ទី២ ខណ្ឌទួលគោក រាជធានីភ្នំពេញ កាលពីថ្ងៃទី០៨ ខែមករា ឆ្នាំ២០២៣ វេលាម៉ោងប្រហែល០០:៥០នាទីរំលងអាធ្រាត្រ ។
ជនសង្ស័យទី១-ឈ្មោះ ឡេង គ្រឿន ហៅ អាគ្រឿន ភេទប្រុស អាយុ២៦ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះលេខ៦A ផ្លូវបេតុង បូរីទួលពង្រ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។
២-ឈ្មោះ សំ គឹមតុង ហៅ អាតុង ភេទប្រុស អាយុ១៨ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់ផ្ទះមិនចាំលេខ ផ្លូវរថភ្លើង ភូមិ១៦ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។
៣-ឈ្មោះ ស៊ុយ ម៉េងសាំង ហៅ អាសាំង ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះមិនចាំលេខ ផ្លូវបេតុង បូរី១០០ខ្នង សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
វត្ថុតាងចាប់យកមានទូរស័ព្ទដៃ០១គ្រឿងម៉ាក I Phone13 ពណ៌ខៀវគ្មានស៊ីម (ជារបស់ជនរងគ្រោះជាជនជាតិចិនដែលក្រុមជនសង្ស័យខាងលើឆក់យក) និងម៉ូតូ០១គ្រឿង ម៉ាកDream c125 មានពណ៌ខ្មៅ ស៊េរីឆ្នាំ២០២២ គ្មានស្លាកលេខ មានលេខតួ និងម៉ាស៊ីន: 6410897 (ចាប់យកពីជនសង្ស័យឈ្មោះ ឡេង គ្រឿន) និងម៉ូតូ០១គ្រឿងទៀតម៉ាក Suzuki nex ពណ៌ស-ខៀវ ស៊េរីឆ្នាំ២០២២ ពាក់ស្លាកលេខភ្នំពេញ 1IV-5936 ដែលមានលេខតួ និងម៉ាស៊ីនលេខ: 364939 (ជារបស់ជនសង្ស័យឈ្មោះ សំ គឹមតុង ជិះពីក្រោយ។
បច្ចុប្បន្នជនសង្ស័យខាងលើ កំពុង ឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីធ្វើការសាកសួ និងចាត់ការបន្តតាមនីតិវិធី។
