ភ្នំពេញ៖ សមត្ថកិច្ច ប្រាប់អោយដឹងថា កាលថ្ងៃទី៣ ខែមករា ឆ្នាំ២០២៣ វេលាម៉ោង១២ និង១០នាទី នៅចំណុចមុខអគិ្គសនីកម្ពុជាវត្តភ្នំ ផ្លូវលេខ៩៤ ភូមិ៩ សង្កាត់វត្តភ្នំ ខណ្ឌដូនពេញ រាជធានីភ្នំពេញ កម្លាំងប៉ុស្តិ៍នគរបាលរដ្ឋបាលវត្តភ្នំ បានឃាត់ខ្លួនជនសង្ស័យចំនួន២នាក់ ពាក់ព័ន្ធ ករណីជិះម៉ូតូ ឆក់កាបូបស្ពាយជនបរទេស។
ជនសង្ស័យទី១-ឈ្មោះ សុវណ្ណ មករា ហៅ រាជ ភេទប្រុស ជនជាតិខ្មែរ មុខរបរសិស្ស មានទីលំនៅបន្ទប់ជួល ផ្លូវលេខ២១ ខណ្ឌទួលគោក រាជធានីភ្នំពេញ។
ទី២- ឈ្មោះ សុខ ឆេង ហៅ រត្ន័\រាជ ភេទប្រុស ជនជាតិខ្មែរ មុខរបរជាងម៉ូតូ មានទីលំនៅផ្ទះជួលនៅផ្សារដើមគេ ខណ្ឌទួលគោក រាជធានីភ្នំពេញ។
វត្ថុតាងដកហូត៖ ម៉ូតូម៉ាក HONDA C125 ស៊េរីឆ្នាំ២០២២ ពណ៌ខ្មៅ ពាក់ផ្លាកលេខ ភ្នំពេញ 1IX- 7972 ជារបស់ជនសង្ស័យជិះធ្វើសកម្មភាព។
ប
ច្ចុប្បន្នជនសង្ស័យ កំពុងឃាត់ខ្លួននៅអធិការដ្ឋាននគរបាលខណ្ឌដូនពេញ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវិធីច្បាប់៕
