ថ្មីរហូត! កាលនៅពោធិ៍សែនជ័យ កម្មវិធីបវរកញ្ញាឯកវ័យចាស់ ដល់មានជ័យ កម្មវិធីប្រកួតកីឡាបាល់ទាត់ និងកីឡាប៉េតង់(ប៊ូល)

រដ្ឋបាលខណ្ឌមានជ័យ មានកិត្តិយសសូមជម្រាបជូនដំណឹងដល់ អធិការដ្ឋាននគរបាលខណ្ឌមានជ័យ កងរាជអាវុធហត្ថខណ្ឌមានជ័យ និងលោកចៅសង្កាត់ទាំង៧ អោយបានជ្រាបថាៈ ក្រោមការផ្តួចផ្តើមគំនិតរបស់ លោក អភិបាល នៃគណៈអភិបាលខណ្ឌមានជ័យ ដើម្បីចូលរួមអបអរសាទរក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំ២០២៣ រដ្ឋបាលខណ្ឌមានជ័យបានរៀបចំកម្មវិធីប្រកួតកីឡាបាល់ទាត់ និងកីឡាប៉េតង់(ប៊ូល) ដណ្ដើមពានរង្វាន់របស់រដ្ឋបាលខណ្ឌមានជ័យ លើកទី១ ឆ្នាំ២០២៣ ។

ដើម្បីចូលរួមលើកស្ទួយវិស័យកីឡាបាល់ទាត់ និងកីឡាប៉េតង់(ប៊ូល)ឱ្យកាន់តែរីកចម្រើនប្រសើរឡើងថែមទៀត សូមលោកអធិការនគរបាលខណ្ឌមានជ័យ លោកមេបញ្ជាការកងរាជអាវុធហត្ថខណ្ឌមានជ័យ និងលោកចៅសង្កាត់ទាំង៧ នៃខណ្ឌមានជ័យ ដែលមានបំណងចូលរួមក្នុងការប្រកួតពានរង្វាន់កីឡាបាល់ទាត់ និងកីឡាប៉េតង់(ប៊ូល)លើកទី១ របស់រដ្ឋបាលខណ្ឌមានជ័យ ឆ្នាំ២០២៣ សូមអញ្ជើញមកទទួលពាក្យចូលរួមការប្រកួតចាប់ពីថ្ងៃទី០៥ ខែមករា ឆ្នាំ២០២៣ រហូតដល់ថ្ងៃទី២០ ខែមករា ឆ្នាំ២០២៣ នៅសាលាខណ្ឌមានជ័យ ការប្រកួតនឹងចាប់ផ្តើមពីខែកុម្ភៈ រហូតដល់ ខែមេសា ឆ្នាំ២០២៣ ។

ទទួលបានសេចក្ដីជូនដំណឹងនេះសូម លោកអធិការនគរបាលខណ្ឌមានជ័យ លោកមេបញ្ជាការកងរាជអាវុធហត្ថ ខណ្ឌមានជ័យ ការិយាល័យ-អង្គភាពចំណុះទាំង១១នៃរដ្ឋបាលខណ្ឌមានជ័យ និងរដ្ឋបាលសង្កាត់ទាំង៧ រៀបចំ ក្រុមកីឡាករ កីឡាការនី ចូលរួមការប្រកួតពានរង្វាន់បាល់ទាត់ និងប៉េតង់(ប៊ូល)(វ័យចាស់ជាក្រុម) ដើម្បីអបអរសាទរ ពិធីបុណ្យចូលឆ្នាំថ្មីប្រពៃណីខ្មែរឆ្នាំ២០២៣ ខាងមុខនេះ ។