សម្តេចតេជោ ៖ ខ្ញុំកាន់តែសប្បាយចិត្ត ដោយឃើញក្មួយៗ ចេះរួបរួមគ្នាដោះស្រាយបញ្ហាគ្រួសារបានយ៉ាងល្អ

ភ្នំពេញ ៖ សម្តេចតេជោ ហ៊ុន សែន ក្នុង គណនី ហ្វេសប៊ុក ផ្លូវការ នាល្ងាចថ្ងៃទី៣ខែមករា ២០២៣នេះ បានបង្ហោះខ្លឹមសារថា ៖  ល្ងាចនេះ ប្រើពេល ២ម៉ោង ដើម្បីហាត់វាយកូនគោលនៅតារាងក្បែរផ្ទះ។ ចូលឆ្នាំសកល មិនបានសម្រាក ព្រោះមានកម្មវិធីការងារ។

សម្តេចតេជោ បញ្ជាក់បន្ថែមថា ជាមួយនឹងការវាយបានល្អ ក៏បានទទួលព័ត៌មានពី នេត សាវឿន ដែលជាអ្នកសម្របសម្រួលឲ្យប្អូនៗថា ហ៊ុន ជានឹងវិលត្រឡប់ ទៅនៅជាមួយ ភរិយា និងកូនៗវិញ ខ្ញុំកាន់តែសប្បាយចិត្ត ដោយឃើញក្មួយៗ ចេះរួបរួមគ្នាដោះស្រាយបញ្ហាគ្រួសារបានយ៉ាងល្អ៕