ខេត្តកំពង់ស្ពឺ៖ នគរបាលខេត្តកំពង់ស្ពឺ ប្រាប់អោយដឹងថា នៅថ្ងៃទី១៤ ខែធ្នូ ឆ្នាំ២០២២ វេលាម៉ោង៦និង៣០នាទី លើផ្លូវជាតិលេខ៤១ ចន្លោះគីឡូម៉ែត្រលេខ ( 5-6 ) ត្រង់ចំណុចភូមិកំណប់ ឃុំរលាំងគ្រើល ស្រុកសំរោងទង មានរថយន្ដ ១គ្រឿងម៉ាក នីសាន់ ពណ៌ស ទ្រុង ពណ៍ត្រីអុី ពាក់ស្លាកលេខ ខេមរភូមិន្ទ01-3-4980 អ្នកបើកបរមិនស្គាល់អត្តសញ្ញាណ ( គេចខ្លួនក្រោយពេលកើតហេតុ ) បើកបរពីទិសខាងជើងទៅទិសខាងត្បូង លុះមកដល់ចំណុចខាងលើ បានប៉ះម៉ូតូ2គ្រឿង ទី1ម៉ាកហុងដាសេ125 ពណ៌ខ្មៅ ពាក់ស្លាកលេខ កំពង់ឆ្នាំង 1R-4160 អ្នកបើកបរឈ្មោះ នួន សុខ លៀង ភេទប្រុស អាយុ35ឆ្នាំ ឌុបមនុស្ស1នាក់ ឈ្មោះផៃ ស្រីលក្ខ ភេទស្រី អាយុ 26ឆ្នាំ
អ្នកទាំង២ រស់នៅភូមិអង្គមេត្រី ឃុំរលាំងគ្រើល ស្រុកសំរោងទង ខេត្ដកំពង់ស្ពឺ ទី2ម៉ូតូម៉ាកវ៉េវអាល់ហ្វា ពណ៌ខ្មៅ ពាក់ស្លាកលេខភ្នំពេញ1K-7226 អ្នកបើកបរឈ្មោះ ពេញ ដូច ភេទប្រុស អាយុ34ឆ្នាំ រស់នៅភូមិក្រាំងរលួស ឃុំរលាំងកែន ស្រុកកណ្តាលស្ទឹង ខេត្តកណ្តាល ដែលកំពុងបើកបរបញ្ជ្រាសទិសគ្នា។
ចំពោះវត្ថុតាងសមត្ថកិច្ចបានយករក្សាទុកនៅប៉ុស្តិ៍នគរបាលរដ្ឋបាលរលាំងគ្រើល និងបន្ដស្រាវជ្រាវរកអ្នកពាក់ព័ន្ធអ្នកបេីកបរដេីម្បីទទួលខុសត្រូវផ្លូវច្បាប់៕
