យូរៗ ចុះបង្ក្រាបម្តង លទ្ធផល គាប់ប្រសើរ! ឈេីជាច្រេីនកំណាត់ដែលក្រុមឈ្មួញលួចលាក់ទុកនៅក្នុងដីចម្ការដូងមួយកន្លែង!
យោងតាមផេក ស្នងការដ្ឋាននគរបាលខេត្តកំពង់ស្ពឺ បញ្ជាក់ថា នារសៀលថ្ងៃទី២៤ ខែវិច្ឆិកា ឆ្នាំ ២០២២ វេលាម៉ោង១៦ និង២០ នាទី កំលាំងការិយាល័យនគរបាលប្រឆាំងបទល្មើសសេដ្ធកិច្ច ដោយអនុវត្ដតាមបញ្ជាលោកឧត្ដមសេនីយ៍ទោ សម សាមួន ស្នងការនគរបាលខេត្ដកំពង់ស្ពឺ ដឹកនាំបញ្ជាផ្ទាល់ពីលោកឧត្ដមសេនីយ៍ត្រី ប៊ុត ចាន់តារា ស្នងការរងខេត្ត និងលោកវរសេនីយ៍ឯក ហេង សំរេច នាយការិយាល័យនគរបាលប្រឆាំងបទល្មេីសសេដ្ឋកិច្ច កំលាំងជំនាញ នៃស្នងការដ្ឋាននគរបាលខេត្ដកំពង់ស្ពឺ បានស្រាវជ្រាវរកឃេីញគំនរឈេី ១កន្លែង ដែលឈ្មួញលាក់ទុកនៅក្នុងដីចម្ការដាំដូង ស្ថិតក្នុងភូមិត្រពាំងប្រិយ៍ ឃុំក្រាំងដីវ៉ាយ ស្រុកភ្នំស្រួច ខេត្ដកំពង់ស្ពឺ។
សមត្ថកិច្ច បញ្ជាក់ថា ឈេីដែលរកឃេីញ ជាប្រភេទឈេីសុក្រំ ចំនួន១៨ដុំ ម្ចាស់ឈេី សមត្ថកិច្ចបន្ដស្រាវជ្រាវរកមេក្លោងនិងអ្នកទទួលខុសត្រូវ។
វត្ថុតាងឈេីសុក្រំ ចំនួន១៨ ដុំ មិនទាន់វាស់វែង ត្រូវបានដឹកជញ្ជូនយកមករក្សាទុកបណ្ដោះអាសន្ននៅស្នាក់ការបរិស្ថានចំបក់ ក្នុងឧទ្យានជាតិ ព្រះកុសុមៈ គីរីរម្យ ដេីម្បីបន្តនីតិវិធី៕
