ភ្នំពេញ ៖ អបអរសាទរកីឡាករ កីឡាការិនីជម្រើសជាតិល្បុក្កតោកម្ពុជា ដែលសុទ្ធសឹងជាអត្តពលិករបស់ក្រសួងមហាផ្ទៃ ដែលដណ្តើមបានមេដាយចំនួន០៥គ្រឿង ពីព្រឹត្តិការណ៍ International Martial Art Contests 2022 នៅទីក្រុង Cheongju សាធារណៈរដ្ឋកូរ៉េ។
មេដាយទាំង០៥គ្រឿង ដែលប្រជែងបានរួមមាន៖ មាស០១ និងប្រាក់០៤។ លទ្ធផលផ្លូវការ ៖
១.វិញ្ញាសា Weapons Single Woman កីឡាការិនី ពុធ ចាន់ឆវី ទទួលបានមេដាយមាស០១គ្រឿង
២.វិញ្ញាសា Weapons Single Man កីឡាករ គីម ទិត្យសុវឌ្ឍនៈ ឈ្នះមេដាយប្រាក់០១គ្រឿង
៣.វិញ្ញាសា Bare Hands Duo កីឡាករ អោក រិតធានី និងកីឡាករ យ៉ឹម វុត្ថា ប្រជែងបានមេដាយប្រាក់០១គ្រឿង និងជាប់ចំណាត់ថ្នាក់លេខ២
៤.វិញ្ញាសា Weapons Duo កីឡាករ អ៊ៃ សំអុន និងកីឡាការិនី ស៊ិន សៀវសៀន ទទួលបានមេដាយប្រាក់០១គ្រឿង
៥.វិញ្ញាសាក្រុម ៖ កីឡាករ អ៊ៃ សំអុន កីឡាករ គីម ទិត្យសុវឌ្ឍនៈ កីឡាករ យ៉ឹម វុត្ថា កីឡាករ អោក រិតធានី កីឡាករ ពេជ្រ ពន្លឺ កីឡាការិនី ពុធ ចាន់ឆវី កីឡាការិនី ស៊ិន សៀវសៀន និងកីឡាការិនី យស់ សញ្ជនា ឈ្នះមេដាយប្រាក់០១គ្រឿង។
គួរជម្រាបជូនថា សហព័ន្ធកីឡាល្បុក្កតោកម្ពុជា បានបញ្ជូនគ្រូបង្វឹក កីឡាករ និងកីឡាការិនី ចំនួន១០រូប ក្នុងនោះគ្រូបង្វឹក០២រូប កីឡាករ០៥រូប និងកីឡាការិនី០៣រូប ឱ្យទៅចូលរួមប្រកួតប្រជែងក្នុងព្រឹត្តិការណ៍ International Martial Art Contests 2022 នៅទីក្រុង Cheongju ប្រទេសកូរ៉េខាងត្បូង ដែលបានចាប់ផ្ដើមពីថ្ងៃទី១៧ ដល់ថ្ងៃទី២១ ខែវិច្ឆិកា ឆ្នាំ២០២២៕
