ភ្នំពេញ៖ លោកវរសេនីយ៍ឯក ប៊ុក សត្យា នាយការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ បញ្ជាក់ ពីករណី អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ឆក់កាបូបស្ពាយដែលក្នុងនោះមាន ខ្សែដៃមាសទម្ងន់០៥ជីចំនួន០១ខ្សែ,ចិញ្ចៀនមាសទម្ងន់០១ជីចំនួន០១វង់,ក្រវិលមាសចំនួន០១គូ,ប្រាក់ចំនួន៦០០,០០០រៀល) ប្រព្រឹត្តនៅចំណុចលើស្ពានរង្វង់មូលចោមចៅ ផ្លូវជាតិលេខ៣ ក្រុម០១ ភូមិថ្នល់បែក សង្កាត់ចោមចៅ៣ ខណ្ឌពោធិសែនជ័យ រាជធានីភ្នំពេញ កាលពីថ្ងៃទី១៨ ខែវិច្ឆិកា ឆ្នាំ២០២២ វេលាម៉ោង០៧ និង១០ នាទី ។
លោក បន្តថា នៅថ្ងៃទី១៨ ខែវិច្ឆិកា ឆ្នាំ២០២២ វេលាម៉ោង ០៩ និង ១០ នាទី កម្លាំងការិយាល័យបានស្រាវជ្រាវឃាត់ខ្លួនជនសង្ស័យក្នុងបទល្មើសជាក់ស្តែងជនសង្ស័យចំនួន ០២ នាក់ នៅចំណុចផ្សារទួលពង្រ ផ្លូវបេតុង សង្កាត់ចោមចៅ១ ខណ្ឌពោធិសែនជ័យ រាជធានីភ្នំពេញ ដែលបានប្រព្រឹត្តបទល្មើសខាងលើ ចាប់យកវត្ថុតាងជាមធ្យោបាយជិះធ្វើសកម្មភាពម៉ូតូចំនួន ០១ គ្រឿង និងភស្តុតាងជារបស់ជនរងគ្រោះបញ្ជូនមកការិយាល័យដើម្បីចាត់ការតាមនីតិវិធី ៖
១-ឈ្មោះ ហ៊ាន សុខហេង ភេទ ប្រុស អាយុ ១៨ ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅផ្ទះជួល ផ្លូវលំ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ ។
២-ឈ្មោះ ប្រាក់ សុខសេរី ភេទ ប្រុស អាយុ ១៨ ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅផ្ទះជួល ផ្លូវលំ សង្កាត់ចោមចៅ៣ ខណ្ឌពោធិសែនជ័យ រាជធានីភ្នំពេញ ។
វត្ថុតាងចាប់យក៖ ម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០២២ លេខតួ លេខម៉ាស៊ីន ៦២០២៧៤៧ ពាក់ផ្លាកលេខ ភ្នំពេញ ១JT៨០២៩ ចំនួន ០១ គ្រឿង។
ភស្តុតាងចាប់យក កាបូបស្ពាយចំនួន ០១ ,ខ្សែដៃមាសទម្ងន់០៥ជីចំនួន០១ខ្សែ ,ចិញ្ចៀនមាសទម្ងន់០១ជីចំនួន០១វង់ ,ក្រវិលមាសចំនួន០១គូ
ជនរងគ្រោះ ឈ្មោះ ជ្រុន ស្រីង៉ា ភេទ ស្រី អាយុ ២៨ ឆ្នាំ ជនជាតិ ខ្មែរ មានទីលំនៅផ្ទះគ្មានលេខ ផ្លូវលំ ភូមិដំណាក់ត្រយឹង សង្កាត់ចោមចៅ២ ខណ្ឌពោធិសែនជ័យ រាជធានីភ្នំពេញ
សម្ភារបាត់បង់ កាបូបស្ពាយចំនួន ០១ ,ខ្សែដៃមាសទម្ងន់០៥ជីចំនួន០១ខ្សែ ,ចិញ្ចៀនមាសទម្ងន់០១ជីចំនួន០១វង់ ,ក្រវិលមាសចំនួន០១គូ។
សូមជម្រាបថា កាលពីថ្ងៃទី១៨ ខែវិច្ឆិកា ឆ្នាំ២០២២ វេលាម៉ោង០៧ និង១០ នាទី មានករណី អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ឆក់កាបូបស្ពាយដែលក្នុងនោះមាន ខ្សែដៃមាសទម្ងន់០៥ជីចំនួន០១ខ្សែ ,ចិញ្ចៀនមាសទម្ងន់០១ជីចំនួន០១វង់ ,ក្រវិលមាសចំនួន០១គូ, ប្រាក់ចំនួន៦០០,០០០រៀល) ប្រព្រឹត្តនៅចំណុចលើស្ពានរង្វង់មូលចោមចៅ ផ្លូវជាតិលេខ៣ ក្រុម០១ ភូមិថ្នល់បែក សង្កាត់ចោមចៅ៣ ខណ្ឌពោធិសែនជ័យ រាជធានីភ្នំពេញ បង្កឡើងដោយជនសង្ស័យចំនួន១២ នាក់ ជិះម៉ូតូចំនួន០៨គ្រឿង មានឈ្មោះ ហ៊ាន សុខហេង ភេទ ប្រុស អាយុ ១៨ ឆ្នាំ ជនជាតិ ខ្មែរ ជិះម៉ូតូម៉ាកហុងដាស្កុបពីព ណ៌ ស មិនចាំផ្លាកលេខ(ម៉ូតូ របស់ឈ្មោះ ញ៉ា) ម្នាក់ឯង , ឈ្មោះ ញ៉ា ភេទ ប្រុស អាយុប្រហែល១៨ ឆ្នាំ ជនជាតិ ខ្មែរ ជិះម៉ូតូរបស់ឈ្មោះ ហ៊ាន សុខហេង ម៉ាកហុងដាសេ១២៥ ពណ៌ ខ្មៅ សេរីឆ្នាំ២០២២ ពាក់ផ្លាក លេខភ្នំពេញ១JT៨០២៩ ឌុបបក្ខពួកមិនស្គាល់ឈ្មោះ ភេទ ប្រុស អាយុប្រហែល ១៨ ឆ្នាំ ជនជាតិ ខ្មែរ ,ឈ្មោះ ប្រាក់ សុខសេរី ភេទប្រុស អាយុ ១៨ ឆ្នាំ ជនជាតិ ខ្មែរ ជិះម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០២២ មិនចាំផ្លាកលេខ(ម៉ូតូរបស់ឈ្មោះ ហេង) ឌុបឈ្មោះ ហេង ភេទ ប្រុស អាយុប្រហែល១៨ ឆ្នាំ ជនជាតិ ខ្មែរ,ឈ្មោះ ណាង ភេទ ប្រុស អាយុប្រហែល១៨ ឆ្នាំ ជនជាតិ ខ្មែរ ជិះម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០២២ ឌុបបក្ខពួកមិនស្គាល់ឈ្មោះ ភេទ ប្រុស អាយុប្រហែល ១៨ ឆ្នាំ, បក្ខពួកមិនស្គាល់ឈ្មោះ ភេទ ប្រុស អាយុប្រហែល ១៨ ឆ្នាំ ជនជាតិ ខ្មែរ ជិះម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០២១, បក្ខពួកមិនស្គាល់ឈ្មោះចំនួន ០២ នាក់ ភេទ ប្រុស អាយុប្រហែល១៨ ឆ្នាំ ជិះម៉ូតូម៉ាកស៊ុយហ្ស៊ុយគី ពណ៌ ខៀវ សេរីឆ្នាំ២០២១ មិនចាំផ្លាកលេខឌុបគ្នា ,បក្ខពួកមិនស្គាល់ឈ្មោះ ភេទប្រុស អាយុប្រហែល ១៨ ឆ្នាំ ជិះម៉ូតូម៉ាកស៊ុយហ្ស៊ុយ គីនិច ពណ៌ ក្រហម សេរីឆ្នាំ២០២១ មិនចាំផ្លាកលេខ ជិះម្នាក់ឯង,បក្ខពួកមិនស្គាល់ឈ្មោះ ភេទ ប្រុស អាយុប្រហែល ១៨ ឆ្នាំ ជិះម៉ូតូម៉ាកស៊ុយហ្ស៊ុយគីនិច ពណ៌ ស សេរីឆ្នាំ២០២១ មិនចាំផ្លាកលេខ ម្នាក់ឯង បានជួបជុំគ្នានៅម្តុំផ្សារស្ទឹងមានជ័យ សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ រួចបបួលគ្នាចេញធ្វើសកម្មភាពឆក់ទ្រព្យសម្បត្តិរបស់ប្រជាពលរដ្ឋតាមដងផ្លូវសាធារណៈ ក្នុងរាជធានីភ្នំពេញ ។ លុះដល់វេលាកើតហេតុ ជនសង្ស័យបាននាំគ្នាជិះម៉ូតូមកដល់ចំណុចកើតហេតុខាងលើ ក៏បានឃើញជនរងគ្រោះឈ្មោះ ជ្រុន ស្រីង៉ា ភេទ ស្រី អាយុ ២៨ ឆ្នាំ ជនជាតិ ខ្មែរ កំពុងជិះម៉ូតូម្នាក់ឯងដោយមានដាក់កាបូបស្ពាយចំនួន០១ នៅលើទូក ម៉ូតូខាងមុខ ភ្លាមនោះជនសង្ស័យឈ្មោះ ញ៉ា ជិះម៉ូតូឌុបបក្ខពួកមិនស្គាល់ចូលទៅជិតជនរងគ្រោះ ហើយអ្នកអង្គុយខាងក្រោយបានធ្វើសកម្មភាពឆក់យកកាបូបស្ពាយ ពីលើទូកម៉ូតូរបស់ជនរងគ្រោះបានសម្រេច ចំណែកបក្ខពួកផ្សេងទៀតជិះម៉ូតូបិទគូថតាមក្រោយនាំគ្នាគេចខ្លួនបាត់អស់ ។
