ខេត្តកំពត៖ ដោយបានការអនុញ្ញាតពី លោកឧត្តមសេនីយ៍ត្រី មេបញ្ញាការកងរាជអាវុធហត្ថខេត្តកំពត និងសម្របសម្រួលនីតិវិធីដោយ ឯកឧត្តម ជីវ ចាន់តារា ព្រះរាជអាជ្ញាអមសាលាដំបូងខេត្តកំពត នៅវេលាម៉ោង១១និង៣៥នាទី ថ្ងៃទី១៥ ខែវិច្ឆិកា ឆ្នាំ២០២២ កម្លាំងជំនាញការិយាល័យប្រឆាំងគ្រឿងញៀន មន្ទីរស្រាវជ្រាវ និងបង្ក្រាបបទល្មើសអ.ហខេត្តកំពត សហការជាមួយកម្លាំង មូលដ្ឋានកងរាជអាវុធហត្ថក្រុងកំពត ដឹកនាំដោយលោកវរសេនីយ៍ឯក សេង វិច្ឆិកា មេ.ការរងទទួលជំនាញគ្រឿងញៀន បានចុះបង្ក្រាបមុខសញ្ញាជួញដូរ និងប្រើប្រាស់គ្រឿងញៀន នៅចំណុចភូមិអូរតូចសង្កាត់អណ្តូងខ្មែរក្រុងកំពតខេត្តកំពត។
លទ្ធផលនៃការបង្ក្រាប ឃាត់ខ្លួនជនសង្ស័យ ឈ្មោះ សៀង សុវណ្ណី ភេទ ប្រុស អាយុ ៣៩ឆ្នាំ មុខរបរបើកឡានដឹកឥតរស់នៅភូមិអូរតូច សង្កាត់អណ្តូងខ្មែរ ក្រុងកំពត ខេត្តកំពត។
វត្ថុតាងគ្រឿងញៀនចំនួន០២កញ្ចប់ (មួយកញ្ចប់ធំនិងមួយកញ្ចប់តូច) ទំងន់១១,៦១g (ដប់មួយក្បៀសហុកសិបមួយក្រាម) ថ្លឹងទាំងសំបកថង់។
