ខេត្តកំពង់ស្ពឺ៖ យោងតាមព័ត៌មានបឋមពី តារាចំរៀងលេខ១ ជឹម ជឿន ប្រាប់ ធី អិន អិន មុននេះ ថា ខ្លួនបានធ្វើដំណើរឆ្លងកាត់តាមផ្លូវល្បឿនលឿន បានឃើញការណ៍ ឆេះរថយន្ត Rang Rover មួយគ្រឿង ផ្ទុះពេញហ្នឹង!
លោក ជឹម ជឿន បន្តថា អត់ដឹងបងម្ចាស់រថយន្ត នៅណាណីទេ? មកដល់ឃើញចឹងហើយ! សង្ឃឹមថា មិនមានអ្នកណា កើតអីទៅចុះ ទីតាំងលើផ្លូវល្បឿនលឿន ស្ថិតនៅ ឃុំមហាសាំង ស្រុកភ្នំស្រួច ខេត្តកំពង់ស្ពឺ នៅចន្លោះគីឡូលេខ ៥៦ ។
ហេតុការណ៍នេះ កើតឡើងប្រហែលម៉ោង៣រសៀលថ្ងៃទី៨ ខែវិច្ឆិកា ឆ្នាំ២០២២ នេះ។
សមត្ថកិច្ចខេត្តកំពង់ស្ពឺឲ្យដឹងថា ករណី រថយន្ត Range Rover មួយគ្រឿងឆេះ លើផ្លូវល្បឿនលឿន គីឡូម៉ែត្រលេខ ៥៦ ស្ថិតនៅស្រុកភ្នំស្រួច ខេត្តកំពង់ស្ពឺ រសៀលថៃ្ង៨វិច្ឆិកា២០២២នេះ មិនមានមនុស្សរងគ្រោះថ្នាក់ទេ ប៉ុន្តែរថយន្តនេះរងការខូចខាតទាំងស្រុង។
បើតាមសមត្ថកិច្ចនគរបាល នៃស្នងការដ្ឋាននគរបាលខេត្តកំពង់ស្ពឺ ដែលចុះអន្ដរាគមន៍ នៅកន្លែងកើតហេតុបញ្ជាក់ថា ដើមហេតុបណ្តាលមកពីរថយន្តឆ្លងចរន្តភ្លើង ពេលកំពុងបើកបរ និងថាពេលរថយន្តចាប់ផ្តើមឆេះ អ្នកជិះលើរថយន្ត បានអែបចូលទៅឈប់លើគន្លងផ្លូវអាសន្ន រួចចុះចេញពីរថយន្តទាន់ពេល មុនរថយន្តនេះផ្ទុះ៕
ជុំវិញមូលហេតុខាងលើ យ៉ាងណានោះ ធី អិន អិន នឹងផ្សាយផ្សាយលម្អិតជាបន្តបន្ទាប់ទៀត…!
