លោកឧត្តមសេនីយ៍ទោ ម៉ៅ ច័ន្ទ មធុរិទ្ធ ដឹកនាំកម្លាំង ការពារ សន្តិសុខ សុវត្ថិភាពនិងសណ្តាប់ធ្នាប់ជូនបងប្អូនប្រជាពលរដ្ឋ និងភ្ញៀវជាតិ អន្តរជាតិ បានមកលេងកម្សាន្តក្នុងពិធីបុណ្យអុំទូក បណ្តែតប្រទីប និងសំពះព្រះខែ!
ខេត្តកំពត៖ លោកឧត្តមសេនីយ៍ទោ ម៉ៅ ច័ន្ទ មធុរិទ្ធ ស្នងការនគរបាល នៅថ្ងៃអាទិត្យ ១៣កើត ខែកក្តិក ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៦ ខែវិច្ឆិកា ឆ្នាំ ២០២២ កបានដឹកនាំម្លាំង នៃស្នងការដ្ឋាននគរបាលខេត្តកំពត បានអនុវត្តតាមផែនការលេខ ០២៤ ផ.ក/២២ ស្តីពីការ ការពារ សន្តិសុខ សុវត្ថិភាពនិងសណ្តាប់ធ្នាប់ជូនបងប្អូនប្រជាពលរដ្ឋ និងភ្ញៀវជាតិ អន្តរជាតិ បានមកលេងកម្សាន្តក្នុងពិធីបុណ្យអុំទូក បណ្តែតប្រទីប និងសំពះព្រះខែ ដែលបានប្រព្រឹត្តចាប់ពីថ្ងៃទី៦.៧.៨ ខែវិច្ឆិកា ឆ្នាំ២០២២ នៅក្នុងខេត្តកំពត។ក្នុងនោះស្នងការដ្ឋាន នគរបាលខេត្ត បានបែងចែកកម្លាំងទៅតាមគោលដៅសំខាន់ៗ និងប្រើប្រាស់កម្លាំងសរុបចំនួន៧៤៩នាក់ ស្រី០៦ នាក់ កម្លាំងអធិការដ្ឋាន នគរបាលក្រុង/ស្រុកចំនួន ៣៨២នាក់។
