ម៉ូតូ ដែល អាវុធហត្ថរាជធានីភ្នំពេញ ប្រកាសស្វែងរកម្ចាស់នោះ ពេលនេះ ម្ចាស់មកទទួកយកទៅវិញហើយ!
ភ្នំពេញ៖ ម៉ូតូម៉ាកស្គុបពី ពណ៌ក្រហម ពាក់ ស្លាកលេខភ្នំពេញ 1HV-1525 ត្រូវបានប្រទះឃើញនៅវេលាម៉ោង៦ និង ២៥នាទីព្រឹក ថ្ងៃទី៤ ខែវិច្ឆិកា ឆ្នាំ២០២២ នៅចំណុចភូមិឫស្សី៣ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។
អាវុធហត្ថខណ្ឌមានជ័យ បានឲ្យដឹងថា ម៉ូតូ០១គ្រឿងខាងលើនេះ សង្ស័យជាម៉ូតូពាក់ព័ន្ធករណីចោរកម្ម យកមកប្លុងទុកចោល នៅទីតាំងខាងលើ ហើយមានបងប្អូនប្រជាពលរដ្ឋប្រទះឃើញ ទើបរាយការណ៍ដល់សមត្ថកិច្ចអាវុធហត្ថខណ្ឌមានជ័យ ចុះទៅដល់កន្លែងកើតហេតុ ដើម្បីយកមករក្សាទុកស្រាវជ្រាវស្វែងរកម្ចាស់។
បច្ចុប្បន្នម៉ូតូ០១គ្រឿងនេះ កំពុងរក្សាទុកនៅមូលដ្ឋានកងរាជអាវុធហត្ថខណ្ឌមានជ័យ អាស្រ័យហេតុដូចនេះ បើម្ចាស់ម៉ូតូឬបងប្អូនណា បានស្គាល់ម៉ូតូដូចភិនភាគខាងលើ សូមមកទំនាក់ទំនង នៅមូលដ្ឋានអាវុធហត្ថខណ្ឌមានជ័យ ហើយសូមភ្ជាប់មកជាមួយនូវឯកសារពាក់ព័ន្ធមកជាមួយផង ដើម្បីទទួលយកម៉ូតូត្រឡប់ទៅវិញតាមការគួរ៕
លោកវរសេនីយ៍ឯក ហែម រិទ្ធី មេបញ្ជាការអាវុធហត្ថខណ្ឌមានជ័យ បញ្ជាក់ប្រាប់ ធី អិន អិន ថា នៅវេលាម៉ោង ១៦ និង ៣៥នាទី ថ្ងៃទី០៤ ខែវិច្ឆិកា ឆ្នាំ២០២២ ជនរងគ្រោះឈ្មោះ ជួប ដានី ភេទស្រីអាយុ៤៨ឆ្នាំ ជនជាតិខ្មែរ សញ្ញាតិខ្មែរ សាសនាព្រះពុទ្ធ ទីកន្លែងកំណើត សង្កាត់លេខ៩ រាជធានីភ្នំពេញ ទីលំនៅបច្ចុប្បន្ន ផ្ទះលេខ៥៨ ភូមិថ្មី សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ មុខរបរ លក់ដូរ លេខទូរស័ព្ទ ០៩២ ៦២ ៨២ ៩៨ បានឃើញផេកហ្វេសបុក កងរាជអាវុធហត្ថ រាជធានីភ្នំពេញ បង្ហោះស្វែងរកម្ចាស់ម៉ូតូម៉ាកស្កុបពី ពណ៌ក្រហមពាក់ ផ្លាកលេខភ្នំពេញ ១HV-១៥២៥ ដែល មូលដ្ឋានកងរាជអាវុធហត្ថ ខណ្ឌមានជ័យ (បានប្រទះឃើញហើយយកមករក្សាទុកស្រាវជ្រាវរកម្ចាស់)។
ជនរងគ្រោះបានមកដាក់ពាក្យបណ្ដឹង នៅមូលដ្ឋានកងរាជអាវុធហត្ថ ខណ្ឌមានជ័យ ករណីលួចមានស្ថានទម្ងន់ទោស ( កាត់សោររបងនិងឆ្កឹះសោរផ្ទះចូលលួចម៉ូតូរបស់ចំនួន០៣គ្រឿងនិងកង់ចំនួន០១គ្រឿង) និងយកឯកសារពាក់ពន្ធ័និងម៉ូតូម៉ាកស្កុបពី ពណ៌ក្រហមពាក់ ស្លាកលេខភ្នំពេញ ១HV-១៥២៥ មកផ្តៀងផ្ទាត់ត្រឹមត្រូវ ថាពិតជាម៉ូតូរបស់ខ្លួនដែលបានបាត់ កាលពីយប់ថ្ងៃទី០៤ ខែវិច្ឆិកា ឆ្នំា២០២២ នៅចំណុចផ្ទះលេខ៥៨ ភូមិថ្មី សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ។
សម្ភារៈបាត់បង់រួមាន៖
១.ម៉ូតូម៉ាក HONDA SCOOPY-I ពណ៍ក្រហម ផ្លាកលេខ ភ្នំពេញ ១HV-១៥២៥ ផលិតឆ្នំា២០២០ លេខម៉ាស៊ីន KT១១០DE-៨១៥៩៤៣៦ លេខតួ KT១១០D-៨១៥៩៤៣៦ ។
២.ម៉ូតូម៉ាក HONDA SCOOPY-I ពណ៍ស ផ្លាកលេខ ភ្នំពេញ ១HB-៥៩៣៥ លេខម៉ាស៊ីនJF៣៦១E-០២២៤៨៩៨ លេខតួ MLHJF៣៦១២F៥២២៤៨៩៨ ។
៣.ម៉ូតូម៉ាក វេវ ពណ៍ខ្មៅ ផ្លាកលេខ ភ្នំពេញ ១R-៦៦៩២ ។
៤.កង់ចំនួន១គ្រឿង ។
បច្ចុប្បន្ន ម៉ូតូម៉ាកស្កុបពី ពណ៌ក្រហមពាក់ ផ្លាកលេខភ្នំពេញ ១HV-១៥២៥ កម្លាំងកងរាជអាវុធហត្ថខណ្ឌមានជ័យ បានប្រគល់ជូនទៅជនរគ្រោះវិញ។
