ប៉ូលិសខណ្ឌមានជ័យ ឃាត់ខ្លួនជនសង្ស័យ២នាក់ ករណី យកដុំថ្ម និងឈើជ្រុងវាយគ្នាបណ្តាលឲ្យរបួសធ្ងន់ធ្ងរ!
ភ្នំពេញ៖ លោកវរសេនីយ៍ទោ អ៊ុក បូនីន អធិការនគរបាលខណ្ឌមានជ័យ ប្រាប់អោយដឹងថា កាលពីថ្ងៃទី៣ ខែវិច្ឆិកា ឆ្នាំ២០២២ វេលាម៉ោង ៩ និង ០០នាទី កម្លាំងប៉ុស្ដិ៍នគរបាលស្ទឹងមានជ័យទី៣ បានធ្វើការឃាត់ខ្លួនជនសង្ស័យ ២នាក់ ពាក់ព័ន្ធករណីអំពើប៉ុនប៉ងឃាតកម្ម (យកដុំថ្ម និងឈើជ្រុងវាយគ្នាបណ្តាលឲ្យរបួសធ្ងន់ធ្ងរ) ដែលបានប្រព្រឹត្តនៅចំណុចមុខឃ្លាំងលេខ២ ផ្លូវបេតុង ភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ កាលពីថ្ងៃទី០១ ខែវិច្ឆិកា ឆ្នាំ២០២២ វេលាម៉ោង ២០ និង ២០នាទី ។
ជនរងគ្រោះឈ្មោះ បៀន សុវណ្ណនីរ៉ា ភេទប្រុស អាយុ ១៧ឆ្នាំ ជនជាតិខ្មែរ ទីលំនៅបច្ចុប្បន្នស្នាក់នៅផ្ទះលេខ៤៥A ផ្លូវលំ សង្កាត់ទឹកថ្លា ខណ្ឌសែនសុខ រាជធានីភ្នំពេញ មុខរបរ សិស្ស ។ (របួសក្បាលធ្ងន់ធ្ងរកំពុងសម្រាកនៅមន្ទីពេទ្យ)។
ជនសង្ស័យទី១ ឈ្មោះ ខុំ ខាន ភេទប្រុស អាយុ ១៧ឆ្នាំ ជនជាតិខ្មែរ ស្នាក់នៅឃ្លាំងលេខ២ ផ្លូវបេតុង ភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ មុខរបរ មេការឃ្លាំង (មិនមានផ្ទុកសារធាតុញៀន)។
ឲជនសង្ស័យ ទី២ ឈ្មោះ ស៊ុំ ឡូន ភេទប្រុស អាយុ ៣២ឆ្នាំ ជនជាតិខ្មែរ ស្នាក់នៅបន្ទប់ជួលលេខ៨ ផ្លូវបេតុង ភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ មុខរបរ មេការឃ្លាំង (មិនមានផ្ទុកសារធាតុញៀន)។
បច្ចុប្បន្នជនសង្ស័យខាងលើ កំពុងឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី ៕
