ខេត្តមណ្ឌលគិរី៖ សមត្ថកិច្ច បញ្ជាក់ថា នៅថ្ងៃអង្គារ ៨ កើត ខែកត្តិក ឆ្នាំខាល ចត្វាស័ក ពស ២៥៦៦ ត្រូវនឹងថ្ងៃទី០១ ខែវិច្ឆិកា ឆ្នាំ២០២២ វេលាម៉ោង ០៧:៣០ នាទីព្រឹក មានករណីអគ្គិភ័យភ្លើងឆេះតូបចំនួន ១ខ្នងចំនុច (ក្របីងាប់) ភូមិមេប៉ៃ ឃុំពូជ្រៃ ស្រុកពេជ្រាដា ខេត្តមណ្ឌលគិរី ម្ចាស់ផ្ទះឈ្មោះ គ្រីម អុីសារ ភេទ ប្រុស អាយុ ៤៩ ឆ្នាំ ជនជាតិចាម និងប្រពន្ធឈ្មោះ អែល ម៉ៃ អាយុ ៤៥ ឆ្នាំ ជនជាតិចាម មានទីលំនៅ ភូមិមេប៉ៃ ឃុំពូជ្រៃ ស្រុកពេជ្រាដា ខេត្តមណ្ឌលគិរី។
មូលហេតុ: បណ្តាលមកពីផ្ទុះបំពង់ហ្គាសបណ្តាលឲ្យឆេះតូបលក់អីវ៉ាន់ចាបហួយ០១ខ្នងទំហំ ទទឹង៥ម៉ែត្រ បណ្តោយ៧ម៉ែត្រ សង់អំពីឈេីប្រក់សង្ហ័សី ដោយមានស្តុកបំពង់ហ្គាសនៅក្នុងតូប និងបណ្តាលឲ្យរងរបួសមនុស្សចំនួន០២នាក់ដូចខាងក្រោម៖
១. ឈ្មោះ គ្រីម អុីសារ ភេទ ប្រុស ៤៩ ឆ្នាំ ជនជាតិចាម ត្រូវជាម្ចាស់ផ្ទះរងបួស (ធ្ងន់) ។
២. ឈ្មោះ អុីសារ នីរ៉ា ភេទ ស្រី អាយុ ១៣ ឆ្នាំ ត្រូវជាកូនរបស់ម្ចាស់ផ្ទះ ។
សម្ភារៈខូចខាតទាំងស្រុងរួមមាន៖
- អីវ៉ាន់ចាបហួយមួយចំនួន
- គ្រឿងសង្ហារឹមតុបាយ ០១ ឈុត (ប្រភេទសុក្រំ)
- ខ្សែភ្លេីងអគ្គីសនី ០១ ខ្សែ
- ម៉ូទរ័បញ្ចូលហ្គាសចំនួន ០១
- ទូរទឹកកកចំនួន ០១
- ទូរសព្ទ័ចំនួន ០២ គ្រឿង
- ប្រាក់រៀលចំនួន ០៦ លានរៀល
- បំពង់ហ្គាសធំវែងចំណុះ៤៨គីឡូ ចំនួន ០៤
- បំពង់ហ្គាសធំខ្លីចំណុះ១៣គីឡូចំនួន ១៣ ធុង
- កំប៉ុងហ្គាសតូចចំនួន១០០កំប៉ុង។
ចំណែកជនរងគ្រោះទាំង០២នាក់ខាងលេីត្រូវបានបញ្ចូនយកទៅសង្គ្រោះនៅឯមន្ទីពេទ្យ រាជធានីភ្នំពេញ។
ករណីខាងលើនេះរថយន្តអគ្គិភ័យចេញទៅសង្គ្រោះពុំទាន់ពេលវេលាទេ មូលហេតុដោយសារស្ថានភាពផ្លូវឆ្ងាយដាច់ស្រយាល។
