ខេត្តកណ្តាល ៖ នៅថ្ងៃទី៣១ តុលា ២០២២ លោក ចេង ឌីណា អភិបាល នៃគណៈអភិបាលស្រុកខ្សាច់កណ្តាល លោក ចាន់ តារា អភិបាលរងស្រុក បានដឹកនាំមន្រ្តីរាជការក្រោមឱវាទ អញ្ជេីញចូលរួមក្នុងពិធីជួបសំណេះសំណាល សាកសួរសុខទុក្ខ ជាមួយលោកគ្រូ-អ្នកគ្រូ សិស្សានុសិស្សថ្នាក់ទី១២ ដែលបង្រៀន និងរៀនបំប៉នត្រៀមប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា ២០២១-២០២២ នៅវិទ្យាល័យបច្ចេកទេស និងចំណេះទូទៅ ហ៊ុនសែន រ៉ូតា ខ្សាច់កណ្តាល ឃុំសន្លុង ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម និងជាប្រធានក្រុមការងារចលនាយុវជនប្រចាំស្រុកខ្សាច់កណ្តាល។
