អភិបាលខណ្ឌចំការមន បានអញ្ជើញដោះស្រាយបញ្ហាប្រជាពលរដ្ឋចំនួន០៧ គ្រួសារ រងផលប៉ះពាល់ផ្ទះសម្បែង ដោយសារការសាងសង់ខុនដូរឈ្មោះ ព្រីនស៍ផ្លាហ្សា

រដ្ឋបាលខណ្ឌចំការមន បានរៀបចំកិច្ចប្រជុំដោះស្រាយបញ្ហាប្រជាពលរដ្ឋចំនួន០៧ គ្រួសារ រងផលប៉ះពាល់ផ្ទះសម្បែង ដោយសារការសាងសង់ខុនដូរឈ្មោះ ព្រីនស៍ផ្លាហ្សា ដែលស្ថិតនៅសង្កាត់ទន្លេបាសាក់ រាជធានីភ្នំពេញ ក្រោមអធិបតីភាពលោក កៀង ល័ក្ស អភិបាល នៃគណៈអភិបាលខណ្ឌចំការមន ដោយមានការចូលរួមពីលោកអភិបាលរងខណ្ឌ, លោកប្រធាន-អនុប្រធានការិយាល័យចំណុះរដ្ឋបាលខណ្ឌពាក់ព័ន្ធ, លោកចៅសង្កាត់ទន្លេបាសាក់, លោកប្រធានភូមិ១០, តំណាងក្រុមហ៊ុន ព្រីនស៍ ផ្លាហ្សា, ប្រជាពលរដ្ឋទាំង០៧គ្រួសារ និងមន្ត្រីពាក់ព័ន្ធ។

លទ្ធផល ប្រជាពលរដ្ឋបានធ្វើការសំណូមពរដល់ក្រុមហ៊ុនជួយផ្ដល់ជាសំណងចំពោះការខូចខាត។ ហើយតំណាងក្រុមហ៊ុនបានទទួលសំណូមពរនេះ ដើម្បីរាយការណ៍ជូនម្ចាស់ខុនដូរកំពុងសាងសង់ ទៅពិនិត្យមើលទីតាំងជាក់ស្ដែងសិន។