តៃកុងឡាន ដាក់មេប្រូចបាត់! HINO បែនដឹកដី រត់ចូលរបងផ្ទះអ្នកស្រុកបង្ក របួសមនុស្ស២នាក់និងខូចខាតយ៉ាងដំណំ
ខេត្តកំពង់ស្ពឺ៖ សមត្ថកិច្ច ប្រាប់អោយដឹងថា នៅថ្ងៃទី២១ ខែតុលា ឆ្នាំ២០២២ វេលាម៉ោង១២ និង១០នាទី នៅលើផ្លូវលេខ១៤៣ ត្រង់ចំណុចភូមិត្រពាំងស្រង់ ឃុំស្គុះ ស្រុកសំរោងទង ខេត្តកំពង់ស្ពឺ រថយន្ត ម៉ាក HINO ពណ៌ស ពាក់ស្លាកលេខព្រះសីហនុ 3A-2312 មិនស្គាល់អត្តសញ្ញាណអ្នកបើកបរ (ចុះរត់គេចក្រោយពេលកើតហេតុ)។
បានបើកបរពីទិសខាងជើងទៅទិសខាងត្បូង លុះមកដល់ចំណុចខាងលើបានប៉ះមនុស្ស ឈ្មោះ ជា ថុល ភេទស្រី អាយុ 43ឆ្នាំ រស់នៅភូមិស្វាយជ្រុំ ឃុំស្វាយជ្រុំ ស្រុកមេសាង ខេត្តព្រៃវែង ដែលកំពុងឈរលើចិញ្ចើមផ្លូវខាងស្តាំ បន្ទាប់មករថយន្តបានជ្រុលទៅប៉ះរបងផ្ទះនិងផ្ទះរបស់ឈ្មោះ ធួក វណ្ណៈ ភេទប្រុស អាយុ 45ឆ្នាំ នៅភូមិត្រពាំងស្រង់ ឃុំស្គុះ ស្រុកសំរោងទង រួចរថយន្តបានជ្រុលទៅប៉ះរបងផ្ទះ ឈ្មោះ ឯក ឆុំ ភេទស្រី អាយុ 85ឆ្នាំ រស់នៅភូមិកើតហេតុខាងលើ ដែលកំពុងសម្រាកលើអង្រឹង បង្កអោយគ្រោះថ្នាក់ដល់មនុស្ស និងខូចខាតរបងផ្ទះ។
សមត្ថកិច្ចនគរបាលចរាចរណ៍បានចុះពិនិត្យ និងជួយសម្រួលនិងសង្រ្គោះជនរងគ្រោះមកមន្ទីរព្យាបាល បច្ចុប្បន្ននគរបាលបាននាំយកមធ្យោបាយបង្កមករក្សាទុកបណ្ដោះអាសន្នដេីម្បីស្រាវជ្រាវរកម្ចាស់រថយន្ដ និងកសាងសំណុំរឿង ចាត់ការបន្ដ៕
