រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ (ថ្មី) ៖ ថ្ងៃនេះ ខ្ញុំមានឱកាស បានរាស់ដីដោយប្រើគោយន្តជាលើកដំបូងនៅក្នុងជីវិត..!
ខេត្តកំពង់ចាម ៖ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ៖ ថ្ងៃនេះ ខ្ញុំមានឱកាសបានរាស់ដីដោយប្រើគោយន្តជាលើកដំបូងនៅក្នុងជីវិត។ បើទោះបីជាមានជំនួយពីគ្រឿងយន្តក៏ពិតមែន ប៉ុន្តែការងារនេះមិនស្រួលពេកទេ។ ពុកម៉ែបងប្អូនកសិករពិតជាហត់នឿយណាស់។
ខ្ញុំសូមអរគុណបងប្អូនកសិករ នៅខេត្តកំពង់ចាមថ្ងៃនេះ ដែលបានចំណាយពេលអញ្ជើញចូលរួមនៅក្នុងកម្មវិធីសំណេះសំណាលជាមួយខ្ញុំ និងបានអនុញ្ញាតឱ្យខ្ញុំបានចុះស្រែធ្វើស្រូវដោយផ្ទាល់។
បេសកកម្មរបស់ខ្ញុំថ្ងៃនេះ សម្រេចបានការចែកស្រូវពូជដល់បងប្អូនកសិករចំនួន ៤៩៧គ្រួសារ មកពីឃុំចំនួន៤ គឺ ឃុំកៀនជ្រៃ ឃុំរចេក ឃុំហាន់ជ័យ និងឃុំគគរ ស្រុកកំពង់សៀម ខេត្តកំពង់ចាម។
គោលដៅបន្ទាប់សម្រាប់បេសកកម្មរបស់ខ្ញុំថ្ងៃស្អែក គឺខេត្តសៀមរាប។
ទាំងអស់គ្នាដើម្បីកសិកម្មកម្ពុជា 🇰🇭🇰🇭🇰🇭
ប្រភព ៖ ផេកផ្លូវការ ៖ ឌិត ទីណា – DITH Tina
ថ្ងៃទី២០ តុលា ២០២២
