នគរបាលក្រុងបាត់ដំបង ឃាត់ខ្លួនជនសង្ស័យ ២នាក់បន្ទាប់ពី ឆក់ទូរស័ព្ទប្រជាពលរដ្ឋ បានសម្រេច

បាត់ដំបង៖ កម្លាំងនគរបាលព្រហ្មទណ្ឌនៃអធិការដ្ឋាននគរបាលក្រុងបាត់ដំបងបានធ្វើការឃាត់ខ្លូនជនសង្ស័យចំនួន២នាក់មានស្ថានទម្ងន់ទោសឆក់ទូរស័ព្ទប្រជាពលរដ្ឋក្នុងសង្កាត់អូរចារ ក្រុងបាត់ដំបង ខេត្តបាត់ដំបង។

ជនរងគ្រោះឈ្មោះ វណ្ណ ផល្លី ភេទប្រុស អាយុ៤៨ឆ្នាំ មានទីលំនៅក្នុងភូមិអូរចារ សង្កាត់អូរចារ ក្រុងបាត់ដំបង ខេត្តបាត់ដំបង។

ជនសង្ស័យដែលត្រូវបានសមត្ថកិច្ចឃាត់ខ្លួនមានឈ្មោះដូចខាងក្រោម៖

ទី១-ឈ្មោះ ហុង សង្ហា ហៅ ម៉ាប់ ភេទ អាយុ២២ឆ្នាំ រស់នៅភូមិព្រែកកញ្ច្រែង ឃុំព្រែកនរិន្ទ ស្រុកឯកភ្នំ ខេត្តបាត់ដំបង

ទី២-ឈ្មោះ លឿន ចន្ធី ភេទប្រុស អាយុ២៥ឆ្នាំ រសនៅភូមិនរា ឃុំនរា ស្រុកសង្កែ ខេត្តបាត់ដំបង។

ពួកគេទាំងពីរនាក់បានធ្វើសកម្មភាពកាលពីវេលាម៉ោង៦និង៣០នាទី ថ្ងៃទី១៤ ខែតុលា ឆ្នាំ២០២២ ចំណុចក្រុមទី៤ ភូមិអញ្ចាញ សង្កាត់អូរចារ ក្រុងបាត់ដំបង ខេត្តបាត់ដំបង។

វត្ថុតាងដកហូតពីជនសង្ស័យរួមមាន៖ម៉ូតូម៉ាក ហុងដាឌ្រីម ពណ៌ខ្មៅ ១គ្រឿង សេរីឆ្នាំ2004 ពាក់ស្លាកលេខ បាត់ដំបង 1J-2321 ទូរស័ព្ទដៃម៉ាកNokia ពណ៌ទឹកសមុទ្រ១គ្រឿង ទូរស័ព្ទដៃម៉ាក ខេមហ្វូន ពណ៌ខ្មៅ១គ្រឿង និង១គ្រឿងទៀត ទូរស័ព្ទ ម៉ាក OPPO ពណ៌ទឹកប្រាក់ ស្រោមពណ៌ខ្មៅ(ជាកម្មសិទ្ធិរបស់ជនរងគ្រោះ)។

ចំពោះករណីនេះកម្លាំងនគរបាលជំនាញកំពុងសាកសួរជនសង្ស័យ ដើម្បីរៀបចំសំណុំរឿងចាត់ការបន្តទៅតាមនិតិវិធី៕

ដោយ ៖ សុខ កុសល