បាត់ដំបង ៖ ក្មេងប្រុសម្នាក់ឈ្មោះ ឆាយ សៀវហ្វុង ភេទប្រុស អាយុ១០ឆ្នាំ បានរអិលជើងធ្លាក់ចូលក្នុងប្រឡាយ បណ្តាលអោយលង់ទឹកស្លាប់បង្កអោយមានការភ្ញាក់ផ្អើលដល់ប្រជាពលរដ្ឋនិងសមត្ថកិច្ចទាំងយប់។
ករណីនេះបានកើតឡើងកាលពីវេលាម៉ោង៨យប់ ថ្ងៃទី១២ ខែតុលា ឆ្នាំ២០២២ នៅចំណុចប្រឡាយបេង ស្ថិតក្នុងក្រុមទី១ ភូមិជ្រៃថ្មី ឃុំជ្រៃ ស្រុកថ្មគោល ខេត្តបាត់ដំបង។
ប្រភពព័ត៌មានបានអោយដឹងថា៖មុនពេលកើតហេតុក្មេងប្រុសរងគ្រោះខាងលើបានចេញទៅលេងទឹកក្បែរប្រឡាយខណះកំពុងមានទឹកជំនន់ហូរកាត់ផ្លូវ ជាអកុសលក្មេងប្រុសម្នាក់នោះរអិលធ្លាក់ចូលប្រឡាយទំរាំតែបងប្អូន ប្រជាពលរដ្ឋរកឃើញ ក្មេងរងគ្រោះ ផុតដង្ហើមស្លាប់បាត់បង់ជីវិតទាំងក្មេងវ័យ។
ក្រោយពេលកើតហេតុភ្លាមៗនោះសមត្ថកិច្ចនគរបាលជំនាញបានចុះទៅពិនិត្យសាកសពនិងទីតាំងកើតហេតុរួចអះអាងថា សពក្មេងរងគ្រោះពិតជាស្លាប់ដោយសារលង់ទឹកពិតប្រាកដមែន។
បន្ទាប់មកសមត្ថកិច្ចក៍ប្រគល់សពអោយក្រុមគ្រួសារយកទៅរៀបចំធ្វើបុណ្យតាមប្រពៃណី៕ ដោយ ៖ សុខ កុសល
